SSP Dadu Captain (Rtd) Ameer Saud Magsi issued orders to high security measures at banks and business centers in District Dadu.u

*ڈسٹرکٹ پولیس دادو*

مورخہ، 04/11/2024

ایس ایس پی دادو کیپٹن (ر) امیر سعود مگسی کی جانب سے ضلع دادو میں بینکوں اور کاروباری مراکز پر سیکیورٹی اقدامات سخت کرنے کے احکامات جاری

مہینے کی پہلی تاریخوں میں کاروباری اور تنخواہوں کے حصول کی سرگرمیوں میں اضافے کو مدنظر رکھتے ہوئے حفاظتی انتظامات کو مزید سخت کیا گیا ہے

ایس ایس پی دادو کے احکامات پر علاقہ ایس ڈی پی اوز اور ایس ایچ اوز نے بینکوں پر موجود سیکیورٹی گارڈز اور پولیس نفری کو چیک کرتے ہوئے الرٹ رہنے کی ہدایات دیں

بینکوں کی وزٹ کے دوران ڈی ایس پی صاحبان نے بینک مینجرز سے بھی ملاقاتیں کیں اور انہیں کیش کاؤنٹرز کو کَوَر کرنے، سی سی ٹی وی کیمروں کو چالو حالت میں رکھنے اور ایمرجنسی کال سسٹم کو فعال رکھنے کی ہدایت کی

اس ضمن میں دادو پولیس کی جانب سے بینکوں اور کاروباری مراکز کے اطراف میں پولیس پکٹنگ اور گشت میں بھی اضافہ کیا گیا ہے

ایس ایس پی دادو کی جانب سے تمام ایس ایچ اوز کو اپنے علاقہ جات میں آن روڈ رہنے اور رینڈملی سنیپ چیکنگ جاری رکھنے سمیت کسی بھی ناخوشگوار صورتحال میں فوری ریسپانس کرنے کا حکم دیا گیا ہے