میہڑ میں گزشتہ شب فرض کی ادائیگی کے دوران شہید ہونے والے ھیڈ کانسٹیبل ذوالفقار علی ترک کی آخری رسومات مکمل سرکاری اعزاز کیساتھ ادا کردی گئیں، ڈی آئی جی حیدرآباد اور ایس ایس پی دادو کی بھی شرکت

ڈسٹرکٹ دادو پولیس*

پریس ریلیز- 13/8/2024

*میہڑ میں گزشتہ شب فرض کی ادائیگی کے دوران شہید ہونے والے ھیڈ کانسٹیبل ذوالفقار علی ترک کی آخری رسومات مکمل سرکاری اعزاز کیساتھ ادا کردی گئیں، ڈی آئی جی حیدرآباد اور ایس ایس پی دادو کی بھی شرکت*

شہید ھیڈ کانسٹیبل ذوالفقار علی ترک کی نمازِ جنازہ میہڑ میں ادا کی گئی، شہید کے جسدِ خاکی کو جذباتی احساسات کے ساتھ مقامی قبرستان میں سپردِ خاک کردیا گیا

نمازِ جنازہ میں ڈی آئی جی حیدرآباد رینج طارق رزاق دھاریجو صاحب اور ایس ایس پی دادو کیپٹن (ر) امیر سعود مگسی سمیت پولیس کے دیگر افسران و اہلکاروں، شہید کے عزیز و اقارب اور شہریوں کی کثیر تعداد نے شرکت کی

شھید کو دادو پولیس کے چاق وچوبند دستے نے سلامی پیش کی

ڈی آئی جی صاحب اور ایس ایس پی نے شہید کے بچوں اور دیگر لواحقین سے ملاقات کی، انہوں نے شہید کے لواحقین سے تعزیت کی، یکجہتی کا اظہار کیا اور تدفین و رسومات کے اخراجات کی مد میں ان کی مالی مدد بھی کی گئی،

ڈی آئی جی صاحب اور ایس ایس پی صاحب کا مزید کہنا تھا کہ دکھ کی اس گھڑی میں شہید کے لواحقین کے ساتھ ہیں اور سندھ پولیس غم میں برابر کی شریک ہے شہید کا خون رائگاں نہیں جائیگا ملزمان کو کیفر کردار تک رسایا جائے گا۔

یاد رہے!

پولیس اہلکار کے شہادت کے واقعے کے کچھ ہی گھنٹوں بعد ایک ملزم پولیس مقابلے میں جانبحق ہو چکا ہے اور کچھ گرفتاریاں بھی عمل میں لائی جا چکی ہیں