دیوالی کے موقع پر ہندو برادری کی سلامتی کو یقینی بنانے کے لئے شہید بینظیر آباد پولیس کی جانب سے سیکیورٹی انتظامات مکمل۔

پریس ریلیز

شہید بینظیر آباد پولیس
تاریخ 2024-10-31

دیوالی کے موقع پر ہندو برادری کی سلامتی کو یقینی بنانے کے لئے شہید بینظیر آباد پولیس کی جانب سے سیکیورٹی انتظامات مکمل۔

ایس ایس پی شہید بینظیر آباد جناب تنویر حسین تنیو صاحب کے احکامات پر عملدرآمد کرتے ہوئے ہندو برادری کے مذہبی تہوار دیوالی کے موقع ضلع بھر میں سیکیورٹی انتظامات انتہائی سخت کیئے گئے ہیں۔

ضلع بھر کے تمام مرکزی مندروں، عبادت گاہوں اور خصوصاً ان تمام مقامات پر جہاں مذہبی رسومات و عبادات کی تقریبات منعقد کی جائیگی وہاں 300 سے زائد پولیس افسران و جوان اور لیڈیز پولیس اہلکاران کو تعینات کیا جائیگا۔

شہر، مارکیٹس، اہم مقامات اور چوراہوں پر اضافی نفری تعینات کی گئی ہے۔

ضلع شہید بینظیر آباد کے تمام ڈی ایس پی صاحبان، ایس ایچ اوز اور متعلقہ افسران سیکیورٹی انتظامات کی مسلسل سپر وزن کریں گے اور فل پروف سیکیورٹی کو یقینی بنائیں گے۔

ایس ایس پی شہید بینظیر آباد جناب تنویر حسین تنیو صاحب نے سختی سے ہدایات کی ہے کہ ڈیوٹی پر تعینات افسران و اہلکار ہائی الرٹ رہیں اور کسی بھی قسم کی غفلت یا کوتاہی ہرگز برداشت نہیں کی جا سکتی۔

شہید بینظیر آباد پولیس کی جانب سے تمام ہندو برادری کو دیوالی کے موقع پر نیک تمنائیں اور خوشیوں کی مبارک باد۔

ترجمان شہید بینظیر آباد پولیس