مورخہ 19 ستمبر 2024 ڈپٹی انسپکٹر جنرل آف ٹریفک پولیس کراچی کے دفتر میں جیولر ٹریڈ ایسوسییشن آف پاکستان کے چیئرمین محمد ریاض نے اپنے وفد کے ہمراہ ڈی آئی جی ٹریفک کراچی احمد نواز سے ملاقات کی۔

ملاقات کے موقع پر جیولر ایسوسییشن کے وفد نے ڈی آئی جی ٹریفک کو صدر صرافہ بازار میں درپیش مسائل سے آگاہ کیا۔

انہوں نے کہا کہ صدر صرافہ بازار زیب النساء اسٹریٹ پر ڈبل پارکنگ جیسے درپیش مسائل ہیں جس کی وجہ سے ٹریفک کی روانی متاثر رہتی ہے۔

جیولر ایسوسییشن کے وفد نے کہا کہ زیب النساء اسٹریٹ پر ٹریفک لائٹ سگنل کی تنصیب اور زیبرا کراسنگ بنوائی جائے۔

ڈی آئی جی ٹریفک کراچی نے یقین دہانی کراتے ہوئے کہا ہے کہ ترجیحی بنیادوں کو مدنظر رکھتے ہوئے مسائل کو حل کیا جائے گا۔