اگست یوم شہداء سندھ پولیس

Dated: 04.08.2024

4 اگست یوم شہداء سندھ پولیس

شھید زندہ ہیں انہیں مردہ نہ کہو،وہ اپنے حصے کا رزق کھاتے ہیں (مفہوم القرآن)

 4 اگست یوم شہداء کے موقع پہ اپنے شہداء کی یاد تازہ کرنے کیلیے پولیس کمپلیکس میرپورخاص میں سادہ پروقار تقریب منعقد کی گئی

 دن کا آغاز شہداء کے ایصال ثواب کیلئے پولیس لائن ھیڈ کواٹر کی مسجد میں قرآن خوانی سے کیا گیا جہاں ایس ایس پی میرپورخاص کیپٹن ریٹائرڈ اسد علی چوہدری صاحب نے بھی قرآن شریف پڑھا جس کے بعد شہداء کے لیے دعا کی گئی

جس کے بعد ایس ایس پی میرپورخاص کیپٹن ریٹائرڈ اسد علی چوہدری صاحب نے یادگار شہداہ پر پھول چڑھائے اور یادگار شہداء پر سلامی دی گئی۔

جس کے بعد شہداء پولیس کی یاد میں منعقد کی گئی پروقار و سادہ تقریب کا آغاز ہوا، تقریب میں ڈی ایس پی صاحبان، شہداء کی فیمیلز اور بچوں،مولانہ حفیظ الرحمن فیض، سماجی رہنما محمد بخش کپری،پیٹرولیم اسوسیشن کے صدر شاہ رخ،آر آئی پولیس لائن منور آرائیں، آفس سپرنٹنڈنٹ حسن علی دل، اکاونٹینٹ راجہ آفتاب نے شرکت کی

  اس موقع پہ ایس ایس پی میرپورخاص نے تقریب سے خطاب کرتے ہوئے کہا کہ پولیس کے شہیدوں نے اپنے جان کے نذرانے پیش کرکے معاشرے میں امن کے خاطر عظیم قربانیاں دی ہیں جنہیں کبھی بھلایا نہیں جا سکتا، شھداء سندھ پولیس ہمارا فخر ہیں شھیدوں کی لازوال قربانیوں پر انہیں خراج تحسین پیش کرتے ہیں

مزید ایس ایس پی میرپورخاص کیپٹن ریٹائرڈ اسد علی چوہدری صاحب کا کہنا تھا کہ شہداء ہمارا فخر ہیں، انکے اہلخانہ کے ہر دکھ درد میں ہم برابر کے شریک ہیں۔

آج کا دن منانے کا ایک مقصد یہ بھی ہے کہ ہم اپنے شھداء کے ورثاء و لواحقین کو یہ باور کرایا جائے کہ ہم ان کے ساتھ کندھا ملائے کھڑے ہیں۔

  سندھ پولیس کواپنے شہداء پر فخر ہے کہ انہوں نے قوم کی حفاظت کے لئے اپنی جانوں کے نظرانے پیش کیے *ایس ایس پی میرپورخاص 

اللہ ہمارے شہداء کے درجات بلند کرے اور تمام خاندانوں کو صبر عطا کرے ایس ایس پی میرپورخاص 

آج کا دن یوم شھداء کے طور پر پورے ملک میں منایا جا رہا ہے اس دن کے کچھ مقاصد ہیں جو کہ ان کے ورثاء کو یہ پیغام دینا ہے کہ ہم انہیں بھولے نہیں ہیں۔اسکے علاوہ آج کا دن ہمیں سندھ پولیس کے ان بہادر جوانوں اور جانبازوں کی یاد دلاتا ہے جنہوں نے اپنی جانیں عوام کی جان و مال کے دفاع کی نظر کر دیں *ایس ایس پی میرپورخاص

 قانون کی بالادستی ہو یا امن وامان کا قیام، دہشت گردی کا خاتمہ ہو یا سماج دشمن عناصر سے مقابلہ، ہر محاز پہ پولیس فورس کے بہادر جوان اپنی ذمہ داریوں سے احسن طریقے سے عہدہ پہ ہوتے ہوئے جام شھادت نوش کرتے آئے ہیں 

انشاء اللہ شھداء کے اہل خانہ کی دیکھ بھال ہمیشہ ہماری ترجیح رہے گی،ہمارے شھداء ہمارا فخر ہیں اور سندھ پولیس شھداء پولیس کو خراج تحسین پیش کرتی ہے۔ایس ایس پی میرپورخاص

ایس ایس پی میرپورخاص کیپٹن ریٹائرڈ اسد علی چوہدری صاحب نے فردًا فردًا تمام شہداء کی فیملیز سے ملاقات کرکے اُن میں تحائف تقسیم کیے انکے مسائل دریافت کئے اور انکے حل کے لئے ہر ممکن تعاون کی یقین دہانی کروائی۔

تقریب کے اختتام میں ایس ایس پی میرپورخاص نے شھداء کی فیملیز کے ساتھ بیٹھ کر کھانا کھایا

شہداء سندھ پولیس زندہ باد
سندھ پولیس پائندہ باد