میرپورخاص پولیس کی اہم کاروائی دوہرے قتل میں ملوث  مرکزی ملزمان گرفتار

Dated 01.08.2024

میرپورخاص پولیس کی اہم کاروائی دوہرے قتل میں ملوث  مرکزی ملزمان گرفتار

👈🏻تفصیلات کے مطابق مورخہ  2024-07-26 کو کوٹ غلام محمد تھانے کی حدود گاؤں کالو خان کھوسو دیھ 333 کے قریب 9 ملزمان نے رات کی تاریکی میں ریوو گاڑی اور کلٹس کار میں سوار ہو ہر عبدالوکیل خان پٹھان کے گھر پر ڈکیتی کے لیے دھاوا بول دیا۔

دوران ڈکیتی مزاحمت پر  عبدالوکیل پٹھان اور اسکے بھتیجے نعمت اللہ کو بیدردی سے گولیاں مار کر قتل کردیا اور ڈکیتی کر کےفرار ہوگئے۔

ایس ایس پی میرپور خاص کیپٹن ریٹائرڈ اسد علی چوھدری نے اس بیہمانہ قتل کی واردات پر سختی سے احکامات جاری کیے۔

ایسی ھدایات پر انچارج سی آئی اے عنایت علی زرداری، ایس ایچ او کوٹ غلام محمد حق نواز جونیجو نے ڈی ایس پی میر آفتاب ٹالپر کی سربراہی میں کامیاب کاروائی کرتے ہوئے 04 ملزمان بمعہ 2 مرکزی ملزمان کو گرفتار کر لیا۔ ملزمان سے لوٹا گیا سامان، اور واردات میں استعمال کی گئی ریوو ڈالا اور کلٹس کار بمعہ اسلحہ بر آمد کر لیا گیا۔

اس گروہ میں مختلف زبانوں سے تعلق رکھنے والے ملزمان شامل تھے جو کہ مختلف علاقوں جیسا کہ ٹنڈو آدم، بھٹ شاہ، کھنڈو، ہالا اور حیدرآباد سے تعلق رکھتے ہیں۔ اس گروہ کی سہولت کاری میں کچھ لوکل لوگ بھی شامل ہیں۔

گروہ میں شامل ملزمان بنام روشن جونیجو سکنہ ٹنڈو آدم، دلبر شاھ سکنہ بھٹ شاھ، قاسم جونیجو سکنہ ٹنڈو آدم ، شاھد محمود آرائیں سکنہ دیھ 33 کوٹ غلام محمد شامل ہیں۔

گرفتار ملزمان میں دو مرکزی ملزمان شاھد محمود آرائیں اور روشن جونیجو پولیس حراست میں ہیں۔

واضح رہے کہ ملزم شاہد محمود آرائیں مقتول عبد الوکیل کا بااعتماد اور قابل بھروسہ دوست تھا، جو کہ مقتول عبدالوکیل کے معمولات زندگی کو اچھی طرح جانتا تھا لیکن لالچ نے اپنا رنگ دکھایا اور دوست کے ہی گھر میں ڈکیتی کروادی۔ جس میں دو قیمتی جانوں کا ضیاع ہوا۔

ملزمان نے واردات سے پہلے لوکل لوگوں کی مدد سے وکیل پٹھان کے گھر کی ریکی کی۔ اور مذکورہ تاریخ کو دھاوا بول دیا۔

مزید ملوث ملزمان کی گرفتاری کےلئے مختلف پولیس ٹیمز بناکر چھاپہ مارے جا رہے ہیں جن کی گرفتاری جلد متوقع ہے۔

گرفتار ملزمان سے ڈکیتی میں استعمال ہونے والی ریوو ڈالا بلیک، کلٹس کار اور 3 پسٹل 33 راؤنڈ برآمد ہوئے اور دروان ڈکیتی چھینی گئی ریوو گاڑی اور آلٹو کار کی چابیاں ، کیش رقم موبائل فونز اور پرس بھی ملزمان کے قبضے سے برآمد کرلیے گئے۔