10 محرم الحرام میں نکلنے والے مرکزی ماتمی جلوس سمیت ضلع کے تمام جلوس و مجالس خیریت سے اختتام

Dated 18.07.2024
*ضلع میرپورخاص میں 10 محرم الحرام میں نکلنے والے مرکزی ماتمی جلوس سمیت ضلع کے تمام جلوس و مجالس خیریت سے اختتام پذیر*
 میرپورخاص پولیس نے ماتمی جلوس اور مجالس کی سیکورٹی کے انتہائی سخت حفاظتی انتظامات کئے، سی سی ٹی وی کیمروں اور ڈرون کیمروں سے نگرانی، داخلی و خارجی راستوں پر سخت چیکنگ، واک تھرو گیٹ کا انتظام کیا گیا تھا.
ایس ایس پی میرپورخاص کیپٹن (ر) اسد علی چودھری صاحب نے جلوس کے آغاز سے لیکر اختتام تک جلوسوں کی از خود مکمل نگرانی کی اور پولیس افسران و اہلکاروں کو سیکیورٹی کے متعلق الرٹ رہنے کی ہدایات جاری کرتے رہے.

 10 محرم الحرام کو مرکزی ماتمی جلوس و دیگر جلوس اپنے روایتی راستوں سے ہوتے ہوۓ اختتام پذیر ہوۓ.

مرکزی ماتمی جلوس سمیت ضلع کے تمام جلوس اور مجالس کی سیکورٹی کے لئے 1500 پولیس افسران و جوان نے فرائض انجام دیے.
 ماتمی جلوسوں کی گزرگاہوں پر سی سی ٹی وی کیمرے نصب کئے گئے جبکہ ڈرون کیمروں سے بھی ماتمی جلوس کی نگرانی کی گئی اس کے علاوہ میرپورخاص شہر میں مین کنٹرول روم قائم کرکے ماتمی جلوس کی تمام گزرگاہوں پر کڑی نگاہ رکھی گئی۔
  جلوس کی گزرگاہوں میں آنیوالی بلند و بالا عمارتوں پر ماہر نشانے بازوں کو بھی تعینات کیا گیا۔

 جلوس کی گزرگاہوں کے درمیان میں آنیوالے چھوٹے و بڑے تمام راستوں کو خار دار تاریں اور کنادیں و دیگر رکاوٹیں حائل کرکے بند کردیا گیا جبکہ جلوس میں داخلی اور خارجی راستہ پر واک تھرو گیٹس بھی نصب کیے گئے۔
خواتین کی چیکنگ کے لئے لیڈیز پولیس اہلکار بھی تعینات تھیں۔
 ماتمی جلوس کے اختتام پر *ایس ایس پی میرپورخاص جناب کیپٹن (ر) اسد علی چودھری* صاحب نے تمام علماء، پیس کمیٹی کے ممبران سمیت شہریوں کی بھرپور تعاون کرنے پر شکریہ ادا کیا اور سیکیورٹی کے فرائض انجام دینے والے افسران و پولیس جوانوں کو شاباش دی اور ان کی کارکردگی کو سراہا.