میرپورخاص سی آئی اے پولیس کی اہم کاروائی، غریب آباد تھانے کی حدود سے چوری ہونے والی مہران کار برآمد

Press Release: 31.07.2024.

میرپورخاص سی آئی اے پولیس کی اہم کاروائی، غریب آباد تھانے کی حدود سے چوری ہونے والی مہران کار برآمد 

 تفصیلات کے مطابق 2 ماہ قبل غریب آباد تھانے کی حدود ضامن سٹی سے وکیل شاہنواز لغاری کی مہران کار نمبر BBL-969 چوری ہوگئی تھی، جس کی 53/2024 FIR No  فریادی وکیل شاہنواز لغاری کی مدعیت میں درج کی گئی تھی۔

جس کے بعد ایس ایس پی میرپورخاص کیپٹن ریٹائرڈ اسد علی چوہدری صاحب نے انچارج سی آئی اے عنایت علی زرداری صاحب کو چوری شدہ کار برآمد کرنے کے احکامات جاری کیے. جس کے بعد انچارج سی آئی اے عنایت علی زرداری، انچارج ڈی آئی بی دانش احمد، SIP ہدایت اللّہ ناریجو CIA، نے مل کر انسپکٹر غلام حسین سداھیو کی تکنیکی معاونت سے کار ریکوری کی کوششیں شروع کی، اور آج مہران کار کو برآمد کر کے وکیل شاہنواز لغاری کو ایس ایس پی آفس میں بلا کر گاڑی ان کے حوالے کردی گئی،

ایس ایس پی میرپورخاص کیپٹن ریٹائرڈ اسد علی چوہدری صاحب نے وکلاء بار کے صدر کی موجودگی میں برآمد شدہ کار کی چابی مالک کے حوالے کردی،  جس پر مالک وکیل شاہنواز لغاری نے اور وکلاء بار ایس ایسوسیشن کے صدر نے  ایس ایس پی میرپورخاص کا تہہ دل سے شکریہ ادا کیا۔

اس سلسلے میں ایس ایس پی میرپورخاص کیپٹن ریٹائرڈ اسد علی چوہدری صاحب نے انچارج سی آئی اے عنایت علی زرداری اور ٹیم کو شاباش دی اور تعریفی اسناد دینے کا اعلان کیا۔