بھارتی باکسر کو شکست دینے والے شہیر آفریدی کا کراچی پہنچنے پر شاندار استقبال

گزشتہ دنوں تھائی لینڈ میں ہونے والی رینکنگ فائٹ میں پاکستانی باکسر شہیر آفریدی نے روایتی حریف بھارتی باکسر ترجوت سنگھ باوا کو پچھاڑا۔

شہیر آفریدی نے شاندار کھیل کا مظاہرہ کرتے ہوئے چوتھے راؤنڈ میں بھارتی حریف کو شکست دی۔

منگل کو شہیر آفریدی تھائی لینڈ سے کراچی پہنچے تو ان کا شاندار استقبال ہوا، پولیس نے کندھوں پر اٹھا لیا۔

صوبائی وزیر سعید غنی، ڈی آئی جی آر آر ایف غلام اظفر مہسر، ایس یس پی علی رضا نے شہیر کا استقبال کیا۔ ساتھی پولیس ملازمین نے شہیر آفریدی پر پھولوں کی پتیاں نچھاور کیں۔