سرہاری میں مگسی اور مری برادری کے جھگڑے میں جانبحق ہونے والے محمد اسمعیل مگسی کے نامزد قاتل گرفتار. مسروقہ موٹر سائیکل برآمد ہونے پر اصل مالک کے سپرد .دو منشیات فروش گرفتار بڑی مقدار میں شرآب برآمد۔

تفصیلات کے مطابق ایس ایس پی سانگھڑ غلام نبی کیریو کی ہدایت پر جرائم پیشہ عناصر کے خلاف کاروائیاں جاری ہیں اس سلسلے میں ایس ایچ او سرہاڑی امتیاز علی خاوڑ نے، سرہاری تھانے کی حد میں مگسی اور مری برادری کے ہونے والے خونی تکرار کے نتیجے میں جان بحق ہونے والے محمد اسماعیل مگسی کے، چار نامزد قاتلوں حسین بخش مری، مہر علی مری، غلام جعفر مری اور سلیم مری کو گرفتار کر لیا ہے جبکہ ایس ایچ او شاہ پور چاکر راؤ واجد علی نے تین روز قبل ثنا اللہ کے گھر کے باہر سے چوری ہو جانے والی موٹرسائیکل ملنے پراصل مالک کے سپرد کر دی۔ ایس ایچ او کھپرو محمد جمن کھوسو نے منشیات فروش لیاقت علی سے 30 لیٹر شرآب جبکہ ایس ایچ او ٹنڈوآدم غلام شبیر ڈلوانی نے بادل منگنہار سے 40 لیٹر شرآب برآمد کی ہے۔ گرفتار منشیات فروشوں کے خلاف انسداد منشیات ایکٹ کی دفعات کے تحت مقدمات درج کر لیے گئے ہیں۔