ٹنڈوآدم میں ڈاکووں سے پولیس مقابلہ، ڈکیت شہزاد عرف آلو پارہ راجپوت زخمی حالت میں گرفتار

ٹنڈوآدم میں ڈاکووں سے پولیس مقابلہ، ڈکیت شہزاد عرف آلو پارہ راجپوت زخمی حالت میں گرفتار۔گرفتار ملزم مسلح ڈکیتی، پولیس مقابلے، منشیات  اور ناجائیز اسلحہ رکھنے جیسے سنگین مقدمات میں ملوث ہے۔ ٹی ٹی پسٹل اور گولیاں برآمد۔

تفصیلات کے مطابق ایس ایچ او ٹنڈوآدم غلام شبیر ڈلوانی اور ایس آئی پی حماد شیخ  ماتحت عملے کے ہمراہ معمول کے گشت پر تھے کہ سیٹلائیٹ ٹائون حیدرآباد  بائی پاس پر تین مسلح مشکوک افراد کو کسی جرم کی نیت سے کھڑے دیکھ کر ان کو للکارا،  جس پر ان ملزمان نے پولیس پر سیدھی فائرنگ کردی۔ کراس فائر کے نتیجے میں ایک ڈکیت جس کی شناخت شہزاد عرف آلوپارا راجپوت کے نام سے ہوئی ہے،  زخمی حالت میں گرفتار کر لیا گیا ہے، جوکہ محلہ جانی پورا شہدادپور کا رہائیشی ہے۔ جبکہ اس کے دو ساتھی عامر عرف بھورو راجپوت اور امیر اللہ جمالی موقع سے فرار ہونے میں کامیاب ہو گئے۔ زخمی ملزم کو طبی امداد کے لیئے ہاسپٹل روانہ کردیا گیا ہے۔ گرفتار ملزم کے قبضے سے ایک ٹی ٹی پسٹل اور گولیاں برآمد ہوئی ہے۔  ملزم مسلح ڈکیتی، پولیس مقابلے اور منشیات کے کیسوں میں مطلوب ہے۔

 گرفتار ملزم کا کرمنل ریکارڈ۔

1.Cr. No. 78/2015 u/s 395 PPC  PS Shahdadpur.

2.Cr. No. 199/2015  u/s 3/4 PEHO PS Shahdadpur.

3.Cr. No. 43/2011 u/s  353, 324, 34 PPC PS Jhol.

4.Cr. No. 57/2024 u/s  353, 324, 34 PPC PS Taluka.

فرار ہونے والے ملزمان عامر راجپوت اور امیر اللہ جمالی کا کرمنل۔رکارڈ۔

1.Cr. No. 57/2024 u/s  353, 324, 34 PPC PS Taluka.

 فرار ہونے والے ملزمان کی تلاش میں ٹیمیں روانہ کر دی گئی ہیں۔ اور گرفتار ملزم کا دیگر تھانوں سے بھی مذید کرمنل ریکارڈ جمع کیا جا رہا ہے۔ جبکہ پولیس مقابلے، ناجائز اسلحہ رکھنے کے دیگر دو مذید کیس بھی داخل کر لیے گئے ہیں۔