Detection of Blind Murder Case

ڈسٹرکٹ پولیس ٹھٹہ 
 مورخہ 2024-08-07 
 ٹھٹہ پولیس پریس رلیز (شعبہ اطلاعات و تعلقاتِ عامہ)

ٹھٹہ پولیس کی بروقت اور کامیاب کارروائی

بلائنڈ مرڈر کیس 24 گھنٹے میں ٹریس، قتل میں ملوث دونوں مرکزی ملزمان گرفتار۔
قتل کے جرم میں استعمال کیا گیا پسٹل اور موٹرسائیکل برآمد

تفصیلات کے مطابق گزشتہ روز گھارو پولیس کو اطلاع ملی کہ نامعلوم ملزمان نے حرجینا پل گھارو کریک کے قریب کسی نامعلوم شخص کو فائرنگ کرکے قتل کردیا ہے۔ 

ایس ایس پی ٹھٹہ ڈاکٹر محمد عمران خان کی جانب سے واقعے کا بروقت نوٹس لیتے ہوئے کی ڈی ایس پی ساکرو اور ایس ایچ او گھارو کی سربراہی میں ٹھٹہ پولیس کےسینیئر افسران مشتمل خصوصی ٹیم تشکیل دی گئی۔ 

پولیس ٹیم نے دوران تفتیش 24 گھنٹوں میں بلائنڈ مرڈر کیس ٹریس کر لیا۔
دوران تفتیش انکشاف ہوا کہ 2 ملزمان عدیل کچھی اور جلال بلوچ نے ذاتی رنجش کی بنا پر جان محمد عرف جانو ولد گل محمد عرف گلو ملکانی رہائشی نئی آبادی گھارو کو موٹر سائیکل پر اپنے ساتھ لے جا کر جائے وقوعہ پر فائرنگ کر قتل کردیا اور نعش کو کریک میں پھینک دیا۔ 

پولیس نے بروقت کاروائی کرتے ہوئے قتل میں ملوث دونوں ملزمان کو گرفتار کر لیا۔ دوران تفتیش ملزمان نے اعتراف جرم بھی کرلیا۔ ملزمان کی نشاندہی پر قتل میں استعمال ہونے والا پسٹل اور موٹرسائیکل بھی برآمدکرلیا گیا ہے۔

مقتول کی نعش کو بھی کریک سے نکال لیا گیا ہے۔ اور مزید قانونی کاروائی کی جارہی ہے۔ 

 گرفتار ملزمان کا مکمل ریکارڈ چیک کیا جا رہا ہے، اور مزید تفتیش جاری ہے۔

کامیاب کاروائی پر ایس ایس پی ٹھٹہ ڈاکٹر محمد عمران خان کی جانب سے پولیس ٹیم کے لئے شاباش، تعریفی اسناد، اور نقد انعام دینے کی ہدایات جاری۔ 

     ترجمان ٹھٹہ پولیس