Action Against Crime

ڈسٹرکٹ پولیس ٹھٹہ 
 مورخہ 2024-08-02 
 ٹھٹہ پولیس پریس رلیز (شعبہ اطلاعات و تعلقاتِ عامہ)

ٹھٹہ پولیس کی کامیاب کارروائی

چند روز قبل تھانہ مکلی کی حدود میں ہونے والے قتل کے جرم میں ملوث مرکزی ملزم احسان خشک گرفتار۔

تفصیلات کے مطابق 12 روز قبل خشک قوم کے درمیان معمولی بات پر جھگڑا ہونے پر ملزم احسان خشک نے اپنے ساتھی ملزمان کے ہمراہ ولیج حنیف خشک مکلی پر فدا حسین خشک کے گھر پر فائرنگ کر کے فدا حسین ولد اسحاق کو قتل کر دیا، اور مقتول  فدا خشک کے رشتیدار ضیاء اسحاق خشک اور امتیاز ولد صحبت خشک ملزم کی فائرنگ کے نتیجے میں زخمی ہوگئے جنہیں پولیس کی نگرانی میں بروقت طبی علاج کے لیے کراچی ہسپتال منتقل کیا گیا۔ جس کا مقدمہ مقتول کے رشتیدار امتیاز ولد صحبت خشک کی مدعیت میں تھانہ مکلی پر درج کردیا گیا تھا۔ 

ایس ایس پی ٹھٹہ ڈاکٹر محمد عمران خان کی جانب سے واقع کا بروقت نوٹس لیتے ہوئے کی ٹھٹہ پولیس کےسینیئر افسران اور آئی ٹی سٹاف پر مشتمل خصوصی ٹیم تشکیل دی گئی۔

ایس ایس پی ٹھٹہ کے سخت احکامات پر ایس ایچ اوز مکلی اور ٹھٹہ کی سربراہی میں پولیس ٹیم نے ملزم کو ٹریس کرکے قتل کی واردات میں مطلوب مرکزی ملزم احسان ولد منظور خشک کو گرفتار کرلیا۔

ابتدائی تفتیش کے دوران ملزم نے اعتراف جرم بھی کرلیا ہے۔ اس کے علاوہ گرفتار ملزم احسان خشک کچھ عرصہ قبل CTD اہلکار رمضان بارن پر ارادائے قتل کی واردات میں بھی مطلوب تھا جس کا مقدمہ تھانہ مکلی پر درج ہے۔ گرفتار ہونے والا ملزم اس سے قبل بھی متعدد جرائم میں ملوث رہا ہے اور پولیس کو مطلوب تھا۔ گرفتار ملزم کا مکمل ریکارڈ چیک کیا جا رہا ہے، اور مزید تفتیش جاری ہے۔

کامیاب کاروائی پر ایس ایس پی ٹھٹہ ڈاکٹر محمد عمران خان کی جانب سے پولیس ٹیم کے لئے شاباش، تعریفی اسناد، اور نقد انعام دینے کی ہدایات جاری۔ 

     ترجمان ٹھٹہ پولیس