1 خاتون ملزمہ اور 3 انڈین گٹکا سپلائر ملزمان سمیت 4 ملزمان گرفتار مقدمات درج- 11 ہزار 1 سو 50 پیکٹ انڈین گٹکا، 200 پیکٹ گٹکا ماوا، 2 پیکنگ مشین، 1 کلٹس کار اور 1 سوزوکی پک اپ برآمد

آئی جی سندھ غلام نبی میمن اور ڈی آئی جی پی حیدرآباد رینج طارق رزاق دہاریجو کی ہدایات کی روشنی میں ایس ایس پی ٹھٹہ ڈاکٹر محمد عمران خان کے احکامات پر ٹھٹہ پولیس کا منشیات، جرائم پیشہ عناصر، عادی مجرمان، گٹکا، مین پڑی روپوش و اشتہاری ملزمان کے خلاف کریک ڈاؤن جاری۔

ایس ایس پی ٹھٹہ کے احکامات پر ایس ایچ او تھانہ دہابیجی انسپیکٹر مبین پڑہیاڑ بمعہ اسٹاف نے دوران گشت خفیہ اطلاع ملنے پر نیشنل ہائی وے کراچی تا ٹھٹہ روڈ پر کامیاب کارروائیاں کرکے عبد الواحد خاصخیلی کو سوزوکی پک اپ نمبر LB-9482 سمیت گرفتار کرکے 2 گٹکا ماوا پیکنگ مشین اور 200 پیکٹ گٹکا ماوا برآمد کرلیا۔ 

مزید کارروائی کرتے ہوئے کلٹس کار نمبر T-0046 میں انڈین گٹکا سپلائی کرنے کی کوشش کو ناکام بناکر مسمات زرینہ خاصخیلی، محمد شعیب خاصخیلی، محمد زوہیب خاصخیلی کو 11 ہزار 1 سو 50 پیکٹ انڈین گٹکا سمیت گرفتار کرلیا۔

پولیس نے سوزوکی پک اپ اور کلٹس کار کو حراست میں لیکر ملزمان کے خلاف تھانہ دہابیجی پر الگ الگ مقدمات درج کردیے۔

       ترجمان ٹھٹہ پولیس