خادم بھیو گینگ اور نواب جاگیرانی گینگ کے دو سہولت کار گرفتار

پریس ریلیز - ضلع کشمور پولیس
مورخہ: 14 اکتوبر 2024

کشمور پولیس کی کامیاب کارروائی

 خادم بھیو گینگ اور نواب جاگیرانی گینگ کے دو سہولت کار گرفتار

بھتہ خوری اور اغواکاری کے سہولتکار دو ملزمان گرفتار

کشمور پولیس نے تھانہ اے سیکشن کندھ کوٹ کی حدود میں ایک اہم کارروائی کرتے ہوئے بھتہ خوری اور اغوا کاروں کے دو سہولت کاروں کو گرفتار کر لیا۔ 

گرفتار ملزمان اغوا کاروں کی راشن فراہمی، بھتہ وصولی اور اغوا کی منصوبہ بندی میں ملوث تھے۔

تفصیلات کے مطابق، گرفتار ملزمان کی شناخت درج ذیل ہے:

1. اجیت کمار ولد منور لال
2. ونیش کمار ولد دیوان لال

ملزمان کے خلاف تفتیش کے دوران ان کی وائس ریکارڈنگز اور کال ڈیٹا ریکارڈ (CDR) سے اہم شواہد حاصل ہوئے ہیں جن سے ثابت ہوتا ہے کہ یہ بھیو گینگ اور جاگیرانی گینگ کے ساتھ رابطے میں تھے اور بھتہ وصولی، اغوا کی مختلف وارداتوں میں سہولت کاری فراہم کر رہے تھے۔

کشمور پولیس نے خفیہ اطلاع اور جدید تکنیکی ذرائع کو استعمال کرتے ہوئے ان ملزمان کو گرفتار کیا۔ مزید تفتیش کے دوران اغوا کاروں کے نیٹ ورک کے بارے میں مزید اہم انکشافات متوقع ہیں۔

پولیس نے علاقے میں مزید کریک ڈاؤن کا آغاز کر دیا ہے تاکہ ڈاکوؤں اور ان کے سہولت کاروں کو قانون کے کٹہرے میں لایا جا سکے اور علاقے میں امن و امان کو یقینی بنایا جا سکے۔

ملزمان کے خلاف تھانہ اے سیکشن کندھ کوٹ میں مقدمہ درج
FIR No.308/2024 u/s 324,353,384,385,400,216A,6/7 ATA ps A section kkot

FIR No.309/2024 u/s 324,353,384,385,400,216A,6/7 ATA ps A section kkot