آج بروز اتوار ایس ایس پی آفس ضلع کیماڑی میں ایک اہم و ہنگامی کرائم میٹنگ کا انعقاد کیا گیا، جس کی صدارت ایس ایس پی کیماڑی سنگھار ملک نے کی۔

ضلع کیماڑی پولیس، کراچی

مورخہ 03 مئی 2026

 

ایس ایس پی آفس ضلع کیماڑی میں ہنگامی کرائم میٹنگ کا انعقاد

 

آج بروز اتوار ایس ایس پی آفس ضلع کیماڑی میں ایک اہم و ہنگامی کرائم میٹنگ کا انعقاد کیا گیا، جس کی صدارت ایس ایس پی کیماڑی سنگھار ملک نے کی۔

 

میٹنگ میں تمام ایس ڈی پی اوز، ایس ایچ اوز، چوکی انچارجز اور ہیڈ محرران نے شرکت کی، جبکہ ضلع بھر کی مجموعی کارکردگی، کرائم ٹرینڈز اور جاری کریک ڈاؤن کا تفصیلی جائزہ لیا گیا۔

 

ایس ایس پی کیماڑی نے ضلع میں زیرو ٹالرنس پالیسی کے سخت اور بلا امتیاز نفاذ کی ہدایات جاری کرتے ہوئے واضح کیا کہ:

 

* آرگنائزڈ کرائم، اسٹریٹ کرائم، منشیات، گٹکا/ماوا، اسمگلنگ اور گیمبلنگ کے خلاف مکمل اور فیصلہ کن کریک ڈاؤن کیا جائے۔

* منشیات اور گٹکا/ماوا کے نیٹ ورکس کے مکمل خاتمے (Complete Crackdown) کو یقینی بنایا جائے۔

* اسمگلنگ کو ریڈ لائن قرار دیتے ہوئے اس میں ملوث عناصر کے خلاف سخت ترین قانونی کارروائی عمل میں لائی جائے۔

 

ایس ایس پی کیماڑی نے سختی سے ہدایت دی کہ:

 

* لسٹڈ منشیات فروشوں اور گٹکا/ماوا ڈیلرز کی گرفتاری 24 گھنٹوں کے اندر ہر صورت یقینی بنائی جائے۔

* انٹیلیجنس بیسڈ آپریشنز (IBOs) کو مزید مؤثر بنایا جائے، خصوصاً جرائم پیشہ عناصر، اشتہاری (POs) اور مفرور ملزمان کے خلاف۔

* روزانہ کی بنیاد پر مؤثر پیٹرولنگ اور اسنیپ چیکنگ کو یقینی بنایا جائے تاکہ جرائم کی روک تھام میں عملی نتائج حاصل کیے جا سکیں۔

 

ایس ایس پی کیماڑی نے اس بات پر خصوصی زور دیا کہ:

 

* کسی بھی علاقے میں منظم جرائم کی موجودگی یا ناقص کارکردگی کسی صورت برداشت نہیں کی جائے گی۔

* احتساب کا عمل ہر سطح پر ہوگا — صرف ایس ایچ او ہی نہیں بلکہ چوکی انچارج، ہیڈ محرر اور متعلقہ عملہ بشمول کانسٹیبلان بھی جوابدہ ہوں گے۔

* اگر کسی بھی پولیس اہلکار کے جرائم میں ملوث ہونے کے شواہد ملے تو اس کے خلاف بلا رعایت سخت محکمانہ و قانونی کارروائی کی جائے گی۔

 

میٹنگ کے دوران ایس ایس پی کیماڑی نے اچھی کارکردگی دکھانے والے افسران و اہلکاروں کو سراہا، جبکہ ناقص کارکردگی کے حامل افسران کو سخت وارننگ جاری کرتے ہوئے فوری بہتری کی ہدایت دی۔

 

مزید برآں، تمام تھانہ جات کی کارکردگی کو روزانہ کی بنیاد پر مانیٹر کرنے اور واضح اہداف (Targets) کے حصول کو یقینی بنانے کا حکم دیا گیا۔

 

ترجمان: کیماڑی پولیس