آئی جی سندھ/ڈی جی رینجرز/الوداعی/استقبالیہ/تقریب

آئی جی سندھ/ڈی جی رینجرز/الوداعی/استقبالیہ/تقریب

کراچی08,نومبر2024:-

ڈائریکٹر جنرل رینجرز سندھ کے عہدے سے سبکدوش اور نئے تعیناتی پانیوالے ڈی جی رینجرز سندھ کے اعزاز میں سندھ پولیس کی جانب سے سینٹرل پولیس آفس کراچی میں بالترتیب ایک پروقار الوداعی و استقبالیہ تقریب کا انعقاد کیا گیا۔تقریب میں آئی جی سندھ غلام نبی میمن،عہدے سے سبکدوش ہونے والے ڈی جی رینجرز سندھ میجر جنرل اظہر وقاص،تقرری پانیوالے ڈی جی رینجرز سندھ محمد شمریز سمیت پولیس اور رینجرز سندھ کے اعلٰی افسران نے شرکت کی۔تقریب کا آغاز تلاوت کلام پاک سے کیا گیا اور بعداذاں مختصر سپاسنامہ پیش کیا گیا۔

اس موقع پر آئی جی سندھ نے عہدے سے سبکدوش و محکمانہ ترقی پانے والے ڈی جی رینجرز سندھ میجر جنرل اظہر وقاص کو ان کی سندھ میں یادگار اور قابل ستائش خدمات کے اعزاز میں شیلڈ پیش کی جبکہ صوبے میں ڈی جی رینجرز کی تقرری پانیوالے میجر جنرل محمد شمریز کا خوش آمدیدم استقبال کرتے ہوئے اپنی اور سندھ پولیس کی جانب سے مبارکباد بھی پیش کی۔

آئی جی سندھ میں تقریب میں شرکت پر لیفٹینٹ جنرل اظہر وقاص،ڈی جی رینجرز کا چارج سنبھالنے والے میجر جنرل محمد شمریز،ایڈیشنل آئی جیز،ڈی آئی جیز و دیگر افسران کا شکریہ ادا کرتے ہوئے کہا کہ بحیثیت کیڈٹ جب کوئی فورس کو جوائن کرتا ہے تو محکمانہ ترقی اسکی خواہش ہوتی ہے۔انہوں نے لیفٹیننٹ جنرل اطہر وقاص سے کہا کہ مجھے قوی امید ہے کہ آپ اپنی محنت،پیشہ وارانہ صلاحیت اور لگن کی بدولت ترقی کی مذید منازل طے کرینگے۔میں نے آپکو انتظامی و آپریشنل امور سمیت دیگر اقدامات میں ناصرف سرگرم بلکہ انتہائی پرعزم اور بلند حوصلہ پایا میں نے بذات خود آپکے فیصلوں اور دلیرانہ اقدامات سے بہت کچھ سیکھا ہےآپ نے ہمیشہ اجتماعی سوچ کو اہمیت دی اور ہماری تجاویز پر بھی ہمارا ساتھ دیا اور تفویض کردہ ذمہ داریوں کو بطریق احسن انجام دیا اور انکا کریڈٹ ہمیں یعنی سندھ پولیس کو دیا ہے۔ اللہ پاک بھی مخلص بندوں کو ہی انعامات سے نوازتا ہے۔

ان کا کہنا تھا کہ آپ نے ہر پلیٹ فارم اور فورم پر سندھ پولیس کی تعریف کی ہے اور پولیس پر جب کبھی منفی تنقید ہوتی تھی تو آپ نے آگے بڑھ کر پولیس کا دفاع کیا اور پولیس سے متعلق مثبت رجحان کو فروغ دیا۔ان کا کہنا تھا کہ کراچی کا امن وامان ہو یا کچے کے علاقے میں ڈاکوؤں کے خلاف ایکشن،رینجرز کا کردار ہمیشہ مستعد اور متحرک رہا۔رینجرز کے شانہ بہ شانہ اقدامات سے سندھ پولیس کو بھی حوصلہ و اعتماد ملا ہے اور سندھ پولیس کو ملنے والی کامیابی دراصل رینجرز سے باہم اشتراک کا ہی نتیجہ ہے۔

انہوں نے بتایا کہ گذشتہ 20 روز میں شکارپور آپریشن کے دوران 09 ڈاکو ہلاک جبکہ 30 سے زائد زخمی ہوئے ہیں اور یہ سب پولیس اور رینجرز کی اجتماعی کاوشوں کا نتیجہ ہے۔نوگوایریا ختم ہونے سے اب ان علاقوں میں اسکول، اسپتال فعال ہوگئے ہیں جبکہ انسداد پولیس مہم بھی کامیابی سے اختتام پذیر ہوئی۔پولیس اور رینجرز کے مشترکہ آپریشنز سے ڈاکوؤں/جرائم پیشہ عناصر کے حوصلے پست ہوئے ہیں اورہم اپنی پوری کوشش اور لگن سے جرائم کے خلاف آپریشن جاری رکھیں ہوئے ہیں۔انہوں نے کہا کہ جرائم کے خلاف پولیس اور رینجرز ایک پیج پر ہیں اور رہیں گے۔

انہوں نے میجر جنرل محمد شمریز کو بطور ڈی جی رینجرز سندھ کے عہدے کی مبارکباد پیش کرتے ہوئے کہا کہ شعبہ زندگی کی کوئی بھی فیلڈ ہو چیلنجز اور مسائل سے نبردآزما ہونا پڑتا ہے۔میں نے اپنے سروس کیریئر میں جتنے بھی ڈی جی رینجرز دیکھے انہوں نے ترقی کی منازل طے کیں اور میری دعا ہے کہ آپ جب بھی سندھ سے جائیں پروموٹ ہوکر جائیں۔ان کا کہنا تھا کہ پرامن کراچی کا مطلب ملک میں امن ہے جبکہ پولیس اور رینجرز سندھ کا باہم اشتراک اور اتحاد ہی ہماری اصل قوت ہے۔ڈی جی رینجرز سندھ کے عہدے سے سبکدوش ہوکر لیفٹیننٹ جنرل کے عہدے پر ترقی پانیوالے اطہر وقاص نے سی پی او میں اپنے پرتپاک اور شاندار الوداعی تقریب کے انعقاد پر آئی جی سندھ و دیگر سینئر افسران کا شکریہ ادا کیا۔

 

;.;.;.;.;.;.;.;.;.;.