جھول میں چرس کا ڈیلر گرفتار، ایک کلو سے زائد چرس برآمد ۔ٹنڈوآدم میں شراب کشید کرنے والی بھٹی پرکامیاب کاروائی۔ بڑی مقدار میں شراب برآمد، سینکڑوں لیٹر غیر تیار شدہ شراب موقع پر تلف، بھٹی کو مسمار کردیا۔

سانگھڑ: تفصیلات کے مطابق  ایس ایس پی سانگھڑ غلام نبی کیریو کی ہدایت پر جرائم پیشہ عناصر اور منشیات فروشوں کے خلاف سخت کریک ڈاؤن کیا گیا ہے اس سلسلے میں ایس ایچ او جھول بدرالدین نے دوران پیٹرولنگ ماتحت عملے کے ہمراہ کاروائی کرتے ہوئے چرس کے ڈیلر قربان علی گاہو کو گرفتار کرکے اس کے قبضے سے 1050 گرام چرس برآمد کی ہے۔ اس کے علاوہ ایس ایچ او ٹنڈوآدم سٹی نے میواڑ کالونی   کے علاقے میں شیر جان ڈیرو  کی شراب کشید کرنے والی بھٹی پر چھاپہ مارکر منشیات فروشوں غلام حیدر سنجرانی انور مری اور محمد سلیم ڈیرو کو گرفتار کر لیا۔  150 لیٹر تیار شراب برآمد کرکے بھٹی کو مسمار اور غیر تیار شدہ سینکڑوں لیٹر شراب کو موقع پر تلف کردیا۔ شراب کشید کرنے اور اسٹور کرنے والے برتنوں کو تحویل میں لے لیا۔گرفتار منشیات فروشوں کے خلاف انسداد منشیات ایکٹ کی دفعات کے تحت مقدمات درج کر لیے گئے ہیں۔