چہلم سیکیورٹی۔ ایس ایس پی سانگھڑ نےعلاقے کا دورہ کیا

چہلم کے حوالے سے سیکیورٹی  انتظامات کا جائزہ لیا اور ڈیوٹی پر مامور پولیس جوانوں سے ملاقات

 

 تفصیلات کے مطابق ایس ایس پی سانگھڑ غلام نبی کیریو  نے شہداء کربلا کے چہلم کے موقع پر علاقے کا دورہ کیا۔ چہلم کے موقع پر سیکیورٹی پر مامور  پولیس افسران و  جوانوں سے ملاقات کی اور سیکورٹی انتظامات کا جائزہ لیا۔ ضلع بھر میں 74 امام بارگاہوں, 30 مجالس کی محفلوں, 36 جلوسوں کی سیکیورٹی کے علاوہ خصوصی پکٹس, ٹرابل اسپاٹس, ٹریفک انتظامات, موبائل/موٹرسائیکل پیٹرولنگ و دیگر ڈیوٹیوں کے لیے 1874 پولیس افسران و جوان تعینات کیے گئے ہیں۔ ایس ایس پی سانگھڑ نے جوانوں سے ملاقات میں ان کی حوصلہ افزائی کی, ڈیوٹی کی حساسیت سے آگاہ کیا اور اپنی ڈیوٹی پیشہ ورانہ ذمہ داری، ایمانداری، لگن اور احساس ذمہ داری سے ادا کرنے کی ہدایت کی۔