سانگھڑ میں پولیس مقابلہ.ڈکیت گینگ کا سرغنہ زخمی حالت میں گرفتار

ٹی ٹی پسٹل, چھینی گئی موٹرسائیکل اور موبائل فون برآمد

گرفتار ملزم اس سے قبل 04 ڈکیتی اور رہزنی جیسے سنگین نوعیت کے مقدمات میں ملوث ہے

 

تفصیلات کے مطابق سانگھڑ تھانے کے سب انسپیکٹر لال بہادر اور انچارج 15  ماتحت عملے کے ہمراہ معمول کے گشت پر تھے کہ ان کا سامنا سنجھورو- سانگھڑ بائی پاس کے نزدیک  دو مسلح ڈاکووں سے ہوگیا۔ پولیس پارٹی کی جانب سے للکارے جانے پر ملزمان نے پولیس پر سیدھی فائرنگ کر دی۔ کراس فائر کے بعد ایک ڈاکو محمد عرفان  عرف نانگ عباسی کوزخمی حالت میں گرفتار کرلیا، جس کے قبضے سے ایک TT پسٹل او دو روز قبل  پادری ہاسپٹل سانگھڑ کے سامنے سے چھینی کی موٹر سائیکل اور موبائل فون بھی برآمد ہوا ہے  زخمی ڈاکو کو ابتدائی طبی امداد کے لیے ہسپتال روانہ کر دیا گیا ہے، جبکہ اس کا ایک مسلح  ساتھی عبید عباسی فرار ہونے میں کامیاب ہوگیا۔ جس کی گرفتاری کے لیے پولیس ٹیمیں تشکیل دے دی گئی ہیں۔ گرفتار ڈاکو اس سے پہلے بھی رہزنی اور ڈکیتی جیسے سنگین نوعیت کے 04 کیسوں میں ملوث ہے۔گرفتار ڈاکو  کا دیگر تھانوں سے بھی مزید کریمنل ریکارڈ معلوم کیا جا رہا ہے۔ گرفتار ملزم کے خلاف پولیس مقابلے اور ناجائیز اسلحہ رکھنے کی دفعات کے تحت دیگر مقدمات بھی درج کرلئے گئے ہیں۔