چوٹیاریوں میں پولیس مقابلہ-سنگین نوعیت کے مقدمات میں ملوث ملزم زخمی حالت میں گرفتار

تفصیلات کے مطابق جھول تھانے کی حد میں پولیس پر فائرنگ کرکے فرار ہونے والے ملزمان کی گرفتاری کے لیے ضلع بھر میں الرٹ جاری کر دیا گیا تھا۔ اس سلسلے میں چوٹیاریوں تھانے کی پولیس نے ایس آئی پی سلطان احمد کیریو کی قیادت میں ملہار وسان رستی لٹکو موری کے نزدیک ناکہ بندی کی ہوئی تھی کہ موٹرسائیکل پر دو مشکوک ملزمان کو آتا دیکھ کر روکنے کی کوشش کی جس پر ملزمان نے پولیس پر سیدھی فائرنگ کر دی۔ کراس فائر کے نتیجے میں ایک ملزم جس کی شناخت نواز علی عرف ٹومل بگٹی کے نام سے ہوئی ہے زخمی حالت میں گرفتار کرلیا گیا ہے۔ جبکہ اس کا ایک ساتھی موقع سے فرار ہونے میں کامیاب ہو گیا۔ زخمی ملزم کو طبی امداد کے لیے سول ہاسپٹل روانہ کر دیا گیا ہے۔  گرفتار ملزم کے قبضے سے ایک ٹی ٹی پسٹل،  موبائل فون اور موٹر سائیکل برآمد ہوئی ہے۔  
گرفتار ملزم کا کرمنل ریکارڈ

1.cr. No. 34/2024 u/s 302, 397 PPC PS Chotiaryoon. 

2.cr. No. 35/2024 u/s 392 34 PPC  PS Chotiaryoon. 

3.cr. No. 176/2024 u/s 324, 353, 412 PPC PS Sanghar. 
 فرار ہونے والے ملزم کی تلاش میں ٹیمیں روانہ کر دی گئی ہیں۔ اور گرفتار ملزم کا دیگر تھانوں سے بھی کرمنل ریکارڈ معلوم کیا جا رہا ہے۔ جبکہ پولیس مقابلے اور ناجائز اسلحہ رکھنے کے مزید دو کیس داخل کیے گئے ہیں