منشیات فروشوں کے خلاف کریک ڈاؤن

شہدادپور میں نوید باگرانی کی شرآب کشید کرنے والی بھٹی پر چھا پہ۔

 مختلف کاروائیوں میں 12 منشیات فروش گرفتار۔

 1560 پڑیاں گٹکہ، بڑی مقدار میں شرآب اور  وسکی کی بوتلیں برآمد۔

 

ایس ایس پی سانگھڑغلام نبی کیریو کی ہدایات پر منشیات فروشوں کے خلاف تسلسل سے کاروائیاں  جاری ہیں۔ایس ایچ او کھپرو نبی بخش لاشاری نے منشیات فروش ارباب چانڈیو، عبید بلوچ اور معشوق علی کو گرفتار کرکے 1400 پڑیاں مضر صحت گٹکہ،  10 لیٹر شرآب برآمد کی ہے۔ جبکہ منصب علی موقع سے فرار ہونے میں کامیاب ہو گیا۔ ایس ایچ او شہدادپور نیاز حسین کلہوڑو نے نوید باگرانی کی شرآب کشید کرنے والی بھٹی پر چھاپہ مار کر 30 لیٹر  شرآب برآمد کرلی،  جبکہ درجنوں لیٹر غیر تیار شدہ شرآب کو موقع پر تلف کرکے بھٹی کو مسمار کر دیا۔  ایس ایچ او سنجھورو انیل جمن کوری نے غلام مصطفی بروہی سے 06 بوتلیں وسکی کی برآمد کی ہیں۔ اس کے علاوہ ضلع کے دیگر تھانوں میں ایس ایچ او لنڈو لائق زرداری، ایس ایچ او تعلقہ جابر حسین لاہوری، ایس ایچ او بی سیکشن سلام دین سولنگی اور ایس ایچ او سانگھڑ گلزار علی مری نے منشیات فروشوں کے خلاف مختلف کاروائیوں میں مختیار علی خاصخیلی، وحید مراد بلوچ،  ظفر اقبال آرائیں،  عبدالستار انصاری، زوہیب نظامانی اور محمد رافع مری سے 110 لیٹر  شرآب برآمد کی ہے۔ تمام گرفتار منشیات فروشوں کے خلاف انسداد منشیات ایکٹ کی دفعات کے تحت مقدمات درج کر لیے گئے ہیں۔