چرس کے تین ڈیلر گرفتار 990 گرام چرس اور آئیس برآمد. اقدام قتل کے دو روپوش ملزمان بھی گرفتار ۔

 تفصیلات کے مطابق ایس ایس پی سانگھڑ غلام نبی کیریو کی ہدایات پر ضلع کے مختلف تھانوں میں منشیات فروشوں کے خلاف کاروائیاں جاری ہیں اس سلسلے میں ایس ایچ او نوآباد احمد خان خاصخیلی نے منشیات کے ڈیلر ولید رضا سریوال کو گرفتار کرکے اس کے قبضے سے 520 گرام چرس برآمد کی ہے جبکہ ایس ایچ او ٹنڈوآدم غلام شبیر ڈلوانی نے چرس کے ڈیلر انیس مکرانی سے 470 گرام چرس اور ثنا اللہ مکرانی سے پانچ گرام آئس برآمد کی ہے۔تمام گرفتار منشیات فروشوں کے خلاف انسداد منشیات ایکٹ کی دفعات کے تحت مقدمات درج کر لیے گئے ہیں۔ اس کے علاوہ ایس ایچ او کھپرو محمد جمن کھوسو نے اقدام قتل کے روپوش ملزم ہدایت اللہ چانیھو کو جبکہ ایس ایچ او سنجھورو محمد علی زرداری نے اقدام قتل کے روپوش ملزم اللہ ودھایو شر کو گرفتار کیا ہے۔