24 جواریوں سمیت 35 ملزمان گرفتار

ٹنڈوآدم میں جواء کے اڈے پر چھاپے میں،  دائو پر لگی ایک لاکھ روپے کی رقم، 18 موبائل فون، سات موٹرسائیکلیں برآمد۔

شاہ پورچاکر پولیس نے مظفر علی ماچھی سے غیر قانونی TT پسٹل برآمد کر لیا۔

چرس کے ڈیلر اور منشیات فروشوں سے 625 گرام چرس 600 پڑیاں گٹکا اور 40 لیٹر شرآب برآمد۔

 

تفصیلات کے مطابق ایس ایس پی سانگھڑ غلام نبی کیریو کی ہدایات پر جرائم پیشہ عناصر کے خلاف تسلسل سے کاروائیاں جاری ہیں۔ اس سلسلے میں ایس ایچ او ٹنڈوآدم محمد حنیف مہر نے جواء کے اڈے پر ایک کامیاب چھاپہ مارکر 24 جواریوں کو موقع پر رنگے ہاتھوں گرفتار کرلیا،  جبکہ ان کے قبضے سے دائو پر لگی ایک لاکھ روپے کے رقم،  18 موبائل فون، 07 مشتبہ موٹرسائیکلیں اور تاش کے پتے برآمد کیے ہیں۔ ایس ایچ او شاہ پورچاکر  رائو واجد علی نے ملزم مظفر علی ماچھی سے ایک غیر قانونی TT پسٹل برآمد کیا ہے۔️ایس ایچ او کھڈرو ذاکر حسین نے چرس کے ڈیلر محمد خان بگٹی اور طالب راجپوت کو گرفتار کرکے 415 گرام چرس برآمد کی ہے۔️ اس کے علاوہ ایس ایچ او شہدادپور نیاز حسین کلہوڑو نے چرس کے ڈیلر مظفر علی کو گرفتار کرکے اس کے قبضے سے 210 گرام جرس اور رستم علی کلہوڑو اور عابد علی کوری سے 20 لیٹر شرآب برآمد کی ہے۔️ایس ایچ او کھاہی غلام حیدر بروہی نے منشیات فروشوں عبدالرزاق مری، زبیر علی مری اور مدن ملاح سے 600 پڑیاں مضر صحت گٹکے کی برآمد کی ہیں۔️ایس ایچ او بیرانی وسیم احمد ارباب نے منشیات فروش آصف چشتی اور محمد دانش سے 20 لیٹر شرآب برآمد کی ہے۔