آئی جی صاحب سندھ کی جانب سے شروع کی جانے والی انسداد گٹکا اور ماوا گٹکہ مہم میں بڑی کامیابیاں، 26 منشیات فروش گرفتار/ کھپرو میں پولیس مقابلہ

 194,512پڑیاں مضر صحت گٹکہ اور منشیات کی نقل وحمل میں زیر استعمال کار اور رکشہ قبضہ پولیس

 کھپرو میں پولیس مقابلہ 03 مسلح رہزن گرفتار۔ TT پسٹل,  ریوالور اور بندوق برآمد

 04 مشتبہ موٹر سائیکلیں سیکشن 550 کے تحت چالان

 

تفصیلات کے مطابق ائی جی پی صاحب  سندھ غلام نبی میمن کی جانب سے انسانی صحت کے لیے مضر، زہریلے ماوا اور گٹکے کے ڈیلروں اور تیاری میں ملوث ملزمان کے خلاف سندھ بھر میں مہم کامیابی سے جاری ہے۔  جس کے تحت ایس ایس پی سانگھڑ غلام نبی کیریو کی زیر قیادت ضلع بھر کے تھانوں میں کریک ڈائون کرتے  ہوئے 26 ڈیلروں اور مینیوفیکچررز  کے خلاف کاروائی میں ان کے قبضے سے 194,512 پڑیاں مختلف قسم کا گٹکا, ماوا گٹکا کی برآمد کرلی گئیں ہیں۔ جبکہ منشیات کی نقل و حمل میں استعمال کی جانے والی ایک کار اور چنگچی بھی پولیس نے اپنے قبضے میں لے لی۔ ایس ایچ او کھپرو محمد شریف جمالی ماتحت عملے کے ہمراہ معمول کے گشت پر تھے کہ سڑک کے کنارے تین مسلح ملزمان کو دیکھ کر للکارا جس پر ملزمان نے پولیس پر فائرنگ کرکے بھاگنے کی کوشش کی جوابی فائرنگ کے بعد تینوں رہزنوں نصیر راجڑ، امیر راجڑ اور خدا بخش درس کو گرفتار کرکے ان کے قبضے سے ایک TT پسٹل,  ریوالور اور گن برآمد کی ہے۔ اس کے علاوہ ایس ایچ او شاہ پورچاکر نے چار مشتبہ موٹر سائیکلیں سیکشن 550 کے تحت چالان کردیں۔