سنجھورو میں پولیس مقابلہ، کراچی کا ڈکیت زخمی حالت میں گرفتار, چھینی گئی کار اور اسلحہ برآمد

تفصیلات کے مطابق  ایس ایچ او سنجھورو انیل جمن کوری ماتحت عملے کے ہمراہ معمول کے گشت پر تھے کہ دوران ناکہ بندی مشکوک کار کو رکنے کا اشارہ کیے جانے پر ملزم نے پولیس پر فائرنگ کرکے بھاگنے کی کوشش کی، جوابی فائرنگ میں ملزم محمد راشد مکرانی، جوکہ کراچی کا رہائشی ہے،  کو زخمی حالت میں گرفتار کر لیا۔ ملزم کے قبضے سے محمد لائق خاصخیلی سے اسلحے کے زور پر چھینی گئی کار اور ایک ٹی ٹی پسٹل برآمد کیا ہے۔ ملزم کو طبی امداد کے لیے ہسپتال روانہ کر دیا گیا ہے جبکہ اس کے خلاف پولیس مقابلے اور ناجائز اسلحہ رکھنے کے دو الگ الگ مقدمات بھی درج کرلیئے گئے ہیں۔ اور دیگر تھانوں سے مذید رکارڈ بھی طلب کیاجارہا ہے۔