اغواء اور اقدام قتل میں ملوث روپوش ملزم نیاز خاصخیلی گرفتار

 06منشیات فروشوں سمیت 07 ملزمان گرفتار

 شرآب کشید کرنے والی بھٹی پر چھاپہ، بھٹی مسمار

 منشیات فروشوں سے 1000 سے زائد پڑیاں گٹکہ اور بڑی مقدار میں شرآب بھی برآمد

 

تفصیلات کے مطابق ایس ایس پی سانگھڑ غلام نبی کیریو کی ہدایات پر منشیات فروشی کے خلاف کامیاب کاروائیاں جاری ہیں اس سلسلے میں ایس ایچ او ٹنڈوآدم محمد حنیف مہر نے اغوا اور اقدام قتل کے جرم میں ملوث روپوش ملزم نیاز خاصخیلی کو گرفتار کیا ہے۔ اس کے علاوہ منشیات فروشوں کے خلاف کاروائی میں احسان علی چندریگر،  عدنان راجپوت، خدا بخش سولنگی اور عبدالمجید تمبرانی کو گرفتار کرکے ان کے قبضے سے 1005پڑیاں مضر صحت گٹکا کی برآمد کی ہیں۔ایس ایچ او جھول منیر علی بالادی نے عرفان علی خاصخیلی کی شرآب کشید کرنے والی بھٹی پر چھاپہ مارکر 30 لیٹر تیار شرآب برآمد کی ہے۔ بھٹی کو مسمار،  جبکہ سیکڑوں لیٹر غیر تیار شدہ شرآب کو موقع پر تلف کرکے،  شرآب کشید  اور سٹور کرنے والے برتنوں کو قبضے میں لے کر  ملزمان عرفان علی خاصخیلی کو گرفتار کیا ہے۔ایس ایچ او شہدادپور نیاز حسین کلہوڑو نے منشیات فروش منور شیخ سے 20 لیٹر شرآب برآمد کی ہے۔ تمام گرفتار منشیات فروشوں کے خلاف انسداد منشیات ایکٹ کی دفعات کے تحت مقدمات درج کر لیے گئے ہیں۔