انسداد منشیات مہم، بڑی اور کامیاب کاروائیاں

انسداد منشیات مہم، بڑی اور کامیاب کاروائیاں ۔ 07 منشیات فروشوں، 05 روپوشوں اور 02 چوروں سمیت 14 ملزمان گرفتار-2325 گرام چرس, ایک کلو سے زائد افیم، 09  مسروقہ بکریاں, سیکڑوں پڑیاں مضر صحت گٹکا، شرآب اور 04 مسروقہ فون برآمد

 تفصیلات کے مطابق ایس ایس پی سانگھڑ غلام نبی کیریو کی ہدایت پر ضلع کے مختلف تھانوں میں منشیات فروشوں اور جرائم پیشہ عناصر  کے خلاف بڑی اور کامیاب کاروائیاں کی گئی ہیں اس سلسلے میں ایس ایچ او ٹنڈوآدم غلام شبیر ڈلوانی نے دو بڑے منشیات کے ڈیلروں خان محمد پٹھان اور رفیق کو گرفتار کرکے 2025 گرام چرس 1020 گرام افیم اور منشیات کی فروخت سے حاصل شدہ مبلغ 8 ہزار روپے اور معراج سے 340 پڑیاں مضر صحت گٹکے کی برآمد کی ہیں۔ ایس ایچ او منگلی  ذوالفقار علی پاہی نے چوروں کا پیچھا کرکے 09 مسروقہ بکریاں برآمد کر لیں۔ ایس ایچ او شہدادپور محمد حنیف مہر نے نیاز حسین سے دس لیٹر شرآب جبکہ ڈکیتی کے روپوش ملزم عبدالطیف بھٹی کو گرفتار کیا ہے۔ اس کے علاوہ ایس ایچ او کھاہی غلام محمد نے محمد رمضان رحمانی سے 04 مسروقہ فون اور محمد بخش مری سے 30 لیٹر شرآب برآمد کی ہے۔ایس ایچ او بی سیکشن سلام دین سولنگی نے مسمات رضیہ ملک سے 16 گرام ہیروئن برآمد کی ہے۔ اس کے علاوہ ایس ایچ او کھپرو محمد جمن کھوسو نے چرس کے ڈیلر ایاز علی رند سے 300 گرام چرس جبکہ جھگڑے کے مقدمات میں روپوش ملزمان جمشید،  عنایت، جنید اور محمد خان درس کو گرفتار کیا ہے۔