کھاہی میں منشیات کے ڈیلر کے خلاف بڑی اور کامیاب کاروائی۔ خفیہ اطلاع پر چھاپے میں 63 ہزار پڑیاں گٹکے کی برآمد چار گرفتار۔ منشیات فروشوں کےخلاف ضلع بھر میں کریک ڈاؤن، 11 منشیات فروش گرفتار، بڑی مقدار میں چرس شرآب برآمد

تفصیلات کے مطابق ایس ایس پی سانگھڑ غلام نبی کیریو کی ہدایت پر منشیات فروشوں کے خلاف کریک ڈاؤن جاری ہے۔ اس سلسلے میں ایس ایچ او کھاہی غلام محمد سہیتو نے گٹکے کے بڑے ڈیلر صدام نوھڑی کے گدام پر کامیاب چھاپہ مار کر 63 ہزار مضر صحت گٹکے کی پڑیاں برآمد کرلیں اور منشیات فروشوں محمد عرس،  علی نواز،  اصغر علی اور اکبر کو گرفتار کر لیا جبکہ صدام نوھڑی اور ذوالفقار نوھڑی موقع سے فرار ہونے میں کامیاب ہو گئے۔ ایک اور کاروائی میں کھائی پولیس نے دریا خان سموں کو بھی گرفتار کیا ہے اور اس کے قبضے سے 200 گرام چرس برآمد کی ہے۔ جبکہ تیسری کاروائی میں راجہ عرف گن پت بھیل سے 400 پڑیاں مضر صحت گٹکے کی برآمد کی ہیں۔ ایس ایچ او شاہ پورچاکر راؤ واجد علی,  ایس ایچ او جام نواز علی منور حسین راجپر,  ایس ایچ او بی سیکشن سلام دین سولنگی اور  ایس ایچ او پیرومل محمد اسحاق سنگراسی نے منشیات فروشوں  کانجی کوہلی،  روشن علی جانوری،  میاں داد مری،  سلمان مری اور محمد اسحاق بروہی سے 90 گرام چرس 40 لیٹر شراب اور 650 پڑیاں مضر صحت گٹکے کی برآمد کی ہیں۔  تمام گرفتار منشیات فروشوں کے خلاف منشیات ایکٹ کی دفعات کے تحت مقدمات درج کر لیے گئے ہیں۔