چرس کے ڈیلروں اور منشیات فروشوں کے خلاف شدید کریک ڈاؤن۔ 40 منشیات فروشوں سمیت 43 ملزمان گرفتار

05 کلو سے زائد چرس, 7264 پڑیاں مضر صحت گٹکہ اور شرآب برآمد۔ جوا کے اڈے پر چھاپہ 7400 نقد اور آکڑا بکس برآمد۔

سانگھڑ: تفصیلات کے مطابق ایس ایس پی سانگھڑ غلام نبی کیریو کی ہدایات پر انسداد منشیات مہم کامیابی سے جاری ہے، اس سلسلے میں ضلع بھر کے مختلف تھانوں شہدادپور، کھڈرو،  کھپرو، سرہاری،  جھول، ٹنڈوآدم، سانگھڑ، پیرمل، شاہ پورچاکر،  بی سیکشن، جام نواز علی، سنجھورو اور منگلی میں شدید کریک ڈاؤن کیا گیا۔  چرس کے ڈیلروں اور مضر صحت گٹکا فروشوں جاول عرف ضیاء الرحمن راجپوت، لال محمد عرف لالو چانڈیو،  غلام مرتضی تھہیم، محمد صدام، حشمت علی مکرانی،  قیصر مری، پیار علی کوری، برکت تالپر، خان محمد لانڈر و دیگر کے خلاف کاروائیاں کرتے ہوئے مقدمات داخل کرکے 7264 پڑیاں مضر صحت گٹکہ اور پانچ کلو سے زائد چرس اور 50 لیٹر شرآب برآمد کرلی، اس کے علاوہ ٹنڈوآدم نے آکڑا پرچی کے اڈے پر چھاپہ مارکر سہراب مکرانی, سلیم مکرانی اور آصف عرف کارو کو گرفتار کرکے 7400 روپے اور آکڑا بکس برآمد کرلیں۔