پولیس مقابلے کے بعد 02 رہزن گرفتار۔ TT پسٹل اور لاٹھی برآمد ۔ 04 چرس کے ڈیلر گرفتار، 1635 گرام چرس اور شرآب برآمد

تفصیلات کے مطابق ایس ایس پی سانگھڑ غلام نبی کیریو کی زیر نگرانی ضلع بھر کے مختلف تھانوں میں کاروائیاں کی گئیں۔ ایس ایچ او شہدادپور نیاز حسین کلہوڑو ماتحت عملے کے ہمراہ گشت پر تھے کہ چار مسلح افراد کو روڈ پر مشکوک حالت میں کھڑے دیکھ کر لکارا، جس پر ملزمان نے پولیس پر فائرنگ کرکے بھاگنے کی کوشش کی۔ پولیس نے دو ملزمان کو گھیر کر ان کے قبضے سے ایک TT پسٹل اور لاٹھی برآمد کی ہے، جبکہ ان کے دو ساتھی موقع سے فرار ہونے میں کامیاب ہو گئے۔ اس کے علاوہ ایس ایچ او بی سیکشن سلام دین سولنگی نے دو چرس کے ڈیلروں نفیس احمد راجپوت اور محمد طاہر قائمخانی کو گرفتار کرکے ان کے قبضے سے 1020 گرام چرس برآمد کی ہے۔ ایس ایچ او ٹنڈوآدم محمد حنیف مہر نے 02 چرس کے ڈیلروں  سرفراز قریشی اور فرمان چانڈیو کو گرفتار کرکے ان کے قبضے سے 615 گرام چرس برآمد کی ہے جبکہ ایس ایچ او لنڈو لائق زرداری نے عبدالغفور ملانو  سے 20 لیٹر شرآب برآمد کی ہے.