دریا خان رند اور سانگھڑ پولیس نے چرس کے 02 ڈیلر گرفتار کرلیے

10منشیات فروشوں کے خلاف کاروائی میں کم و بیش 01 کلو چرس، سینکڑوں پڑیاں مضر  صحت گٹکا اور شرآب بھی برآمد

 مسروقہ موٹر سائیکل برآمد ہونے پر اصل مالک کے سپرد

 

تفصیلات کے مطابق  انسداد منشیات مہم کے سلسلے میں  ایس ایس پی سانگھڑ غلام نبی کیریو کی ہدایات پر ضلع بھر کے مختلف تھانوں میں منشیات فروشوں کے خلاف کامیاب کاروائیاں کی گئیں۔ ایس ایچ او سانگھڑ گلزار علی مری نے چرس کے ڈیلر دلبر خان نظامانی کو گرفتار کرکے 630 گرام چرس برآمد کی ہے۔  جبکہ ایس ایچ او دریا خان رند  اشرف علی زرداری نے چرس کے ڈیلر ساجد علی رند سے 350 گرام چرس برآمدکی ہے۔  اس کے علاوہ سانگھڑ پولیس نے منشیات فروشوں محمد کریم بروہی سے 20 لیٹر اور لال خان سے 30 لیٹر شرآب بھی برآمد کی ہے۔ ایس ایچ او ٹنڈوآدم محمد حنیف مہر نے منشیات فروشوں گل زماں مری، علی نواز ملوکھانی،  دیپک  اور عدنان سے 760 بڑیاں مضر صحت گٹکے کی برآمد کی ہیں۔ ایس ایچ او شہدادپور نیاز حسین کلہوڑ نے حبیب اللہ لنجوانی سے 10 لیٹر شرآب اور ایس ایچ او تعلقہ جابر حسین لاہوری نے نیاز علی مکرانی سے  10 لیٹر شرآب برآمد کی ہے۔ ایس ایچ او جھول منیر احمد بالادی نے محمد عظیم راجپوت کی چوری ہو جانے والی موٹر سائیکل برآمد ہونے پر اصل مالک کے سپر کردی۔