منشیات کے ڈیلروں کے خلاف بڑی اور کامیاب کاروائی۔ ماوا گٹکا فیکٹری پر چھاپہ، سات من سے زائد چھالیہ اور 78 ہزار 450 پڑیاں گٹکہ برآمد

ڈاکووں اور چوروں کو پناہ دینے اور جرائم کی سرپرستی کے الزام میں غلام مصطفی مگسی گرفتار

 

 پیرومل پولیس نے شمشاد علی تھہیم کو غیر قانونی پسٹل سمیت گرفتار کر لیا

 

 تین موٹر سائیکل لفٹر گرفتار  02 مسروقہ موٹر سائیکلیں برآمد

 

تفصیلات کے مطابق ایس ایس پی سانگھڑ غلام نبی کیریو کی سربراہی میں جرائم پیشہ عناصر کے خلاف تسلسل سے کاروائیاں جاری ہیں۔ ایس ایچ او ٹنڈوآدم محمد حنیف مہر نے ماتحت عملے کے ہمراہ ماوا گٹکا بنانے والی فیکٹری پر بڑی اور کامیاب کاروائی کرتے ہوئے چھاپہ مار کر سات من سے زائد خام چھالیہ اور الیکٹرک ویٹ مشین برآمد کر لی۔ اس کے علاوہ مضر صحت گٹکا کی 78450 پڑیاں برآمد کر کے منشیات فروشوں مولا بخش، ریاض علی شاہد علی اور راشد علی کو گرفتار کر لیا۔ ایک اور کاروائی میں محمد راشد خاصخیلی سے 393 پڑیاں گٹکا کی برآمد کی ہیں ایس ایچ او سرہاری رحم حسین وسوانو نے ڈاکو چوروں اور جرائم پیشہ عناصر کو پناہ دینے، سہولت فراہم کرنے اور جرائم کی سرپرستی کے الزام میں ملزم غلام مصطفی مگسی کو گرفتار کیا ہے۔ ایس ایچ او پیرومل محمد اسحاق سنگراسی نے ملزم شمشاد علی تھہیم کو غیر قانونی ٹی ٹی پسٹل سمیت گرفتار کیا ہے۔ ایس ایچ او شہدادپور نیاز حسین کلہوڑو نے تین موٹرسائیکل لفٹروں رحیم بروہی،  گلزار بھٹی اور محمود ماچھی کو گرفتار کرکے دو مسروقہ موٹرسائیکلیں برآمد کی ہیں۔ جبکہ ایک اور کاروائی میں منشیات فروش عرفان علی سے 10 لیٹر شآب  برآمد کی ہے۔ ایس ایچ او شاہ پورچاکر رائو واجد علی نےچرس کے ڈیلر محمد اعظم آرائیں سے 350 گرام چرس برآمد کی ہے۔ جھول پولیس نے چوری  کے مقدمے میں ملوث ملزم شنکر بھیل کو گرفتار کیا ہے۔