جدید ٹیکنالوجی کا موثر استعمال۔ منگلی کی حد سے چھینا جانے والا ٹریکٹر پولیس نے دو گھنٹے میں ہی بازیاب کرا لیا

جدید ٹیکنالوجی کا موثر استعمال۔ منگلی کی حد سے چھینا جانے والا ٹریکٹر پولیس نے  دو گھنٹے میں ہی بازیاب کرا لیا۔
سانگھڑ: تفصیلات کے مطابق منگلی کے علاقے سے فقیر محمد بروہی کا ٹریکٹر پانچ مسلح ڈاکو چھین کر لے گئے تھے۔ اس اطلاع پر ایس ایس پی سانگھڑ غلام نبی کریو نے انچارج DIC سانگھڑ اورانچاج سی آئی اے سانگھڑ کو فوری طور پر ٹریکٹر کی بازیابی اور ملزمان گرفتاری کا ٹاسک دیا. انچارج DIC  نے جدید ٹیکنالوجی کی مدد سے ملزمان کی لائیو لوکیشن ٹریس کرکے پولیس ٹیم کے ساتھ ملزمان کا پیچھا کیا اور شہدادپور کے علاقے بالو بھمبرو اسٹاپ کے نزدیک ملزمان کو دو گھنٹے بعد ہی جالیا. پولیس کو دیکھ کر ملزمان نے ٹریکٹر چھوڑ کر پوزیشن سنبھال لی اور پولیس پر سیدھی فائرنگ کر دی کراس فائر کے دوران ملزمان ٹریکٹر چھوڑ کر فرار ہونے میں کامیاب ہو گئے۔ پولیس نے ٹریکٹر باحفاظت اپنی تحویل میں لے لیا اور ملزمان کی تلاش شروع کر دی۔