ٹنڈوآدم پولیس نے رہزن گرفتار کر لیا۔ چھینی گئی موٹر سائیکل برآمد۔ رہزنی میں استعمال کیا جانے والا TT پسٹل بھی برآمد۔

تفصیلات کے مطابق ایس ایس پی سانگھڑ غلام نبی کیریو کی ہدایت پر جرائم پیشہ عناصر کے خلاف کاروائیوں کا سلسلہ جاری ہےایس ایچ او ٹنڈوآدم محمد حنیف مہر نے رہزنوں کی نقل و حرکت کی خفیہ اطلاع ملنے پر ناکہ بندی کرکے چیکنگ کا آغاز کیا. اس دوران دو مشکوک افراد کو موٹر سائیکل پر آتے دیکھ کر رکنے کا اشارہ کیا۔ جس پر موٹر سائیکل پر پیچھے بیٹھا ایک ملزم اتر کر فرار ہونے میں کامیاب ہو گیا۔ جبکہ ملزم شہباز علی لاشاری کو گرفتار کر لیا گیا۔گرفتار ملزم کی جامہ تلاشی میں ایک بغیر لائسنس TT پسٹل برآمد ہونے پر تفتیش کرنے پر معلوم ہوا کہ موٹرسائیکل جس پر یہ ملزمان سوار تھے ٹنڈوآدم کے مقدمہ نمبر 317 سال 2024 کے فریادی شہباز ملک سے چھینی گئی تھی۔ ملزم کے قبضے سے چھینی گئی موٹر سائیکل اور واردات میں استعمال کیا جانے والا TT پسٹل برآمد ہونے پر گرفتار کرکے ناجائز اسلحہ رکھنے کا ایک اور مقدمہ درج کر لیا گیا ہے۔ فرار ملزم کی گرفتاری کے لیے کوششیں جاری ہیں رہزن شہباز سے مزید تفتیش کی جا رہی ہے۔