کھپرو میں پولیس مقابلہ علی شیر شر اپنے ایک ساتھی سمیت زخمی حالت میں گرفتار

تفصیلات کے مطابق ایس ایچ ایچ او کھپرو محمد جمن کھوسو اور اے ایس آئی امیر بخش ہنگورو   ماتحت عملے کے ہمراہ معمول کے گشت پر تھے کھپرو ڈھلیار روڈ،  نزد باغ رستی پر تین مشکوک افراد کو موٹر سائیکل پر آتا دیکھ کر رکنے کا اشارہ کیا جس پر ملزمان نے موٹر سائیکل سے اتر گئے اور پوزیشن لیکر پولیس پر سیدھی فائرنگ شروع کردی۔ کراس فائر کے نتیجے میں ایک ملزم جس کی شناخت علی شیر شر کے نام سے ہوئی ہے، اپنے دوسرے ساتھی ارشاد شر سمیت  زخمی حالت میں گرفتار کر لیا گیا ہے۔ جبکہ ان کا ایک ساتھی محمد اشرف سولنگی موقع سے فرار ہونے میں کامیاب ہو گیا۔ گرفتار ملزمان اس قبل بھی پولیس مقابلے اور چوری کے مقدمات میں ملوث ہیں۔زخمی ملزم کو طبی امداد کے لیئے تعلقہ ہاسپیٹل کھپرو لایا گیا جہاں سے مزید علاج کے لیے حیدراباد روانہ کر دیا گیا ہے۔گرفتار ملزمان کے قبضے سے ایک مائوزر اور ایک ٹی ٹی پسٹل اور موٹر سائیکل برآمد ہوئی ہے۔ فرار ہونے والے ملزم کی تلاش میں ٹیمیں روانہ کر دی گئی ہیں۔ اور گرفتار ملزمان کا دیگر تھانوں سے بھی مذید کرمنل ریکارڈ جمع کیا جا رہا ہے۔ ملزمان کے خلاف  پولیس مقابلے، ناجائز اسلحہ رکھنے کی دفعات کے تحت مقدمات درج کر لیے گئے ہیں۔