چوٹیاریوں پولیس نے چرس کے ڈیلر عبدالرحمن پٹھان کو گرفتار کر لیا

دیگر کاروائیوں میں 05 منشیات فروشوں سمیت 11 ملزمان گرفتار.

ڈیڑھ کلو سے زائد چرس، شرآب اور مضر صحت گٹکا برآمد۔

ٹنڈوآدم پولیس نے چوری اور رہزنی کے مقدمات میں  مطلوب ذاکر حسین کو  TT پسٹل سمیت گرفتار کرلیا۔

جھول پولیس نے دو چوروں کو گرفتار کرکے مسروقہ بکریاں اور موٹرسائیکل برآمد کرلی۔

 

تفصیلات کے مطابق ایس ایس پی سانگھڑ غلام نبی کیریو کی قیادت میں جرائم پیشہ عناصر کے خلاف کامیاب کاروائیاں جاری ہیں اس سلسلے میں ایس ایچ او چوٹیاریوں منیر احمد بالادی نے جرس کے ڈیلر عبدالرحمن پٹھان کو گرفتار کرکے اس کے قبضے سے 1360 گرام چرس برآمد کی ہے۔اس کے علاوہ جھول پولیس نے خیر محمد عرف گولو خاصخیلی سے 150 گرام چرس برآمد کی ہے۔ دوسری کاروائی میں  چوری کے مقدمے میں ملوث ملزمان عبدالحق کھوسو اور بہرام کوسو کو بھی گرفتار کرکے دو مسروقہ بکریاں اور موٹر سائیکل برآمد کرلی۔️ایس ایچ او شہدادپور نیاز حسین کلہوڑو نے منشیات فروش معشوق علی شر اور عاشق حسین سے 10 لیٹر شرآب جبکہ قمر علی سولنگی اور روشن علی سولنگی سے 400 پڑیاں مضر صحت گٹکے کی برآمد کی ہیں۔ تمام گرفتار منشیات فروشوں کے خلاف انسداد منشیات ایکٹ کی دفعات کے تحت مقدمات درج کرلئے گئے ہیں۔ ایس ایچ او ٹنڈوآدم محمد حنیف مہر نے رہزنی اور چوری کے مقدمے میں  مطلوب ملزم ذاکر حسین کو  بنا لائیسنسTT پسٹل سمیت گرفتار کیا ہے۔️ایس ایچ او شاہ پورچاکر رائو واجد علی نے چوری کے مقدمے میں   ملوث ملزمان مظفر علی ماچی اور نثار احمد کو گرفتار کیا ہے۔