ڈکیتی کرنے والا ملزم گرفتار 8 اکتوبر 2024

از دفتر پبلک رلیشنز ایس ایس پی شکارپور 

شکارپور : 8 اکتوبر 2024

سٹورٹ گنج تھانہ پولیس نے تاجر جتیندر کمار کے ملازم کے ساتھ ڈکیتی کرنے والا ملزم گرفتار، مسروقہ رقم برآمد کر کے مالک کے حوالے کردی گئی ہے. ایس ایس پی شکارپور شاہزیب چاچڑ 

تفصیلات کے مطابق: تاجر جتیندر کمار نے سٹورٹ گنج تھانے کو اطلاع دی کہ ان کا ملازم حبیب بینک سے 10 لاکھ روپے نکال کر واپس آرہا تھا کہ لاڑائی محلہ میں 2 نامعلوم ڈکیت ملزمان نقدی چھین کر لے گئے، درخواست پر تھانہ سٹورٹ گنج پولیس نے فوری طور پر نامعلوم ملزمان کے خلاف تفتیش شروع کر دی. ایس ایس پی شکارپور شاہزیب چاچڑ نے گینگ کی گرفتاری کے لیے ڈی ایس پی سٹی کی زیر نگرانی ایس ایچ او سٹورٹ گنج تھانہ معشوق شر اور دیگر تجربہ کار پولیس افسران پر مشتمل ایک خصوصی ٹیم تشکیل دیکر وارداتوں میں ملوث گروہ کو جلد از جلد گرفتار کیا جائے اور شہریوں سے لوٹی گئی نقدی بھی رکوری کروائی جائے، جس پر پولیس ٹیم نے سی سی ٹی وی کیمرے، ہیومن ریسورس اور محکمانہ مہارت کا استعمال کرتے ہوئے ڈکیتی میں ملوث مرکزی ملزم اکبر ولد اعجاز گھنیو کو عیدگاہ لاڑائی محلہ سے گرفتار کر لیا۔ رقم برآمد کرکے مالک کے حوالے کر دی گئی ہے. گرفتار ملزم سٹورٹ گنج تھانے کے پولیس مقابلہ 118/2024 کے کیس میں بھی مطلوب تھا. ملزم سے مزید تفتیش جاری ہے۔ جس میں مزید انکشافات بھی متوقع ہیں. تاجر برادری کی جانب سے ایس ایس پی شکارپور شاہ زیب چاچڑ کی کارکردگی کو سراہتے ہوئے انہوں نے شکریہ ادا کیا اور نیک خواہشات کا اظہار کیا۔