MEETING WITH ULAMAS IN CONNECTION WITH 12 RABI-UL-AWALI

پریس ریلیز

سکھر

ایس ایس پی سکھر امجد احمد شیخ کی صدارت میں ١٢ ربیع الاول جشن عید میلاد النبی ﷺ  کے سلسلے میں اہم اجلاس

اجلاس میں ضلع بھر کے مذہبی جماعتوں کے علماء کرام و نمائندگان نے شرکت کی

اجلاس کا آغاز تلاوت کلام پاک سے کیا گیا بعد ازاں ماہ ربیع الاول کے دوران امن و امان اور محافلِ میلاد و جلوسوں کی سکیورٹی کے متعلق رہنماؤں سے تبادلہ خیال کیا گیا اس ضمن میں رہنماؤں سے مسائل و تجاویز دریافت کی گئیں

اس موقع پر ایس ایس پی سکھر امجد احمد شیخ کی جانب سے عید میلادالنبی ﷺ کی نسبت سے منعقد ہونے والی ریلیوں اور محافلِ میلاد میں سکھر پولیس کی جانب سے بھرپور سیکیورٹی انتظامات کرنے کا عزم ظاہر کیا گیا

 ایس ایس پی سکھر نے مزید کہا کہ ہمارے پیارے نبی آخر الزماں حضرت محمد مصطفیٰ ﷺ کی آمد کی نسبت سے ماہِ ربیع الاوّل مسلم امہ کے لیے خوشیوں کا مہینہ ہے جس میں امن وامان بحال رکھنے کیلئے سکھر پولیس کی جانب سے خصوصی سیکیورٹی پلان تشکیل دے کر سیکیورٹی کے سخت اقدامات کیے جائیں گے۔

دوسری جانب تمام شرکاء نے انتظامیہ سے تعاون کرنے کا عزم ظاہر کرتے ہوئے پولیس اقدامات پر اعتماد کا اظہار کیا اور آخر میں دعائے خیر سے اجلاس کا اختتام کیا گیا۔

ترجمان سکھر پولیس