Youm-e-Shuhada 4 August 2024

4 اگست یوم شہدائے پولیس

آج 04 اگست یومِ شہدائے پولیس کے مناسبت سے سکھر پولیس کی جانب سے شہداء پولیس کو خراج تحسین پیش کرنے کیلئے ایک پروقار تقریب منعقد کی گئی

تقریب میں شہداء پولیس کے اہلخانہ سمیت میئر سکھر، ڈی سی سکھر، شھباز رینجرز کے ونگ کمانڈر، ایس ایس پی گھوٹکی، آر آر ایف ایس ایس پی ملک ظفر اقبال اور میڈیا پرسنز ، سول سوسائٹی سمیت دیگر اداروں کے افسران نے شرکت کی۔ 

تقریب کا آغاز تلاوتِ کلام پاک اور دعائے فاتحہ سے کیا گیا بعد میں سکھر پولیس کے شہیدوں کو خراجِ تحسین پیش کرنے کیلئے خصوصی ڈاکومنٹری وڈیو چلائی گئی جس نے تقریب میں سحر انگیز سماں باندھ دیا اس موقعے پر شہیدوں کے لواحقین نے بھی اپنے خیالات کا اظہار کرتے اپنے شہید پیاروں کی خوبصورت یادیں بانٹیں اور پولیس  محکمے کی جانب سے شہیدوں کیلئے خاص دن منانے اور انہیں یاد رکھنے کی روایت کو اچھا اقدام قرار دیتے ہوئے اظہارِ مسرت کیا 

تقریب میں سکھر پولیس کی جانب سے شہداء کے بیواہ اور بچوں کو مختلف تحائف پیش کیئے گئے ۔

موقعے کی مناسبت سے ایس ایس پی سکھر امجد احمد شیخ صاحب اپنے جذبات کا اظہار کرتے ہوئے شہیدوں کی لازوال قربانیوں کو بھرپور خراجِ تحسین پیش کیا انہوں نے کہا کہ شہادت کا رتبہ رب العالمین کے ہاں بڑی عظمت والا ہے اور شہیدوں کا خون کبھی بھی رائگاں نہیں جاتا شہید مر کر بھی زندھ رہتے ہیں پولیس کی کمانڈ ہمیشہ اپنے جوانوں کے ساتھ کھڑی ہوتی ہے ہمارے شہید جوان قوم کی خدمت اور قیامِ امن کیلئے شہید ہوئے ہیں تمام شہید محکمے کا فخر ہیں جن کی لازوال قربانیاں ناقابل فراموش ہیں شہیدوں کے لواحقین ہمارے لیے ہمیشہ قابلِ قدر اور انتہائی عزیز ہیں جن کیلئے اس عزم کا اظہار کرتے ہیں کہ شہداء کی فیملیز کو اکیلا نہیں چھوڑیں گے جائز مسائل کے ادراک کے لیے ہر وقت موجود  ہیں اور تمام فورس کی حوصلا افزائی کرتے رہیں گے 

تقریب کے اختتام میں ایس ایس پی سکھر کی جانب سے شہداء کی فیملیز اور دیگر شرکاء کیلئے بہترین ظہرانے کا بندوبست بھی کیا گیا اور سب کو خوش اسلوبی سے الوداع کیا گیا

ترجمان سکھر پولیس