ایس ایس پی ٹنڈو الھیار جناب ابریز علی عباسی صاحب اور ڈپٹی کمشنر ٹنڈوالھیار جناب سلیم اللّٰہ اوڈھو نے محرم الحرام میں نکلنے والے جلوسوں کے راستوں کا جائزہ لیا

ایس ایس پی ٹنڈو الھیار جناب ابریز علی عباسی نے ڈپٹی کمشنر ٹنڈوالھیار جناب سلیم اللّٰہ اوڈھو کے ہمراہ محرم الحرام کے دوران نکلنے والے مختلف جلوسوں کی گزرگاہوں کا دورہ کیا اور سیکیورٹی کے انتظامات کا جائزہ لیا۔ اس سلسلے میں جلوسوں کی گزرگاہوں پر سیکیورٹی کے فول پروف انتظامات کی ہدایات جاری، جلوسوں کے داخلی اور خارجی راستوں پر خصوصی چیکنگ کے لیے ہدایات جاری کی، تمام جلوسوں اور مشکوک افراد پر نظر رکھنے کے لیے لگائے گئے سی سی ٹی وی کیمروں کو بھی چیک کیا اور ڈپٹی کمشنر کے ہمراہ روٹس کی صفائی اور لائیٹس کے انتظامات کا بھی جائزہ لیا۔

 میڈیا سے گفتگو کرتے ہوئے ایس ایس پی ابریز علی عباسی صاحب نے کہا کہ ٹنڈو الھیار پولیس اور ضلعی انتظامیہ محرم الحرام کے دوران امن کی فضا برقرار رکھنے کے لئے شانہ بہ شانہ ساتھ کھڑے ہیں اور کسی بھی ناخوشگوار واقعے سے نمٹنے کے لیے مکمل تیار ہیں۔ مزید امن امان کی صورتحال کو برقرار رکھنے کے لیے عوام کو بھائی چارہ قائم رکھتے ہوئے کسی بھی قسم کے مذہبی انتشار سے دور رہنے کی ہدایت کی۔