◼️ایس ایچ او تھانہ مویا کی بہترین کارروائی، ٹویوٹا ریوو گاڑی میں چھپی لاکھوں روپے مالیت کی مین پوڑی گٹکا خام مال کی بڑی کھیپ کی اسمگلنگ کی کوشش ناکام بنادی۔ 19 کٹے بیگز مین پوڑی خام مال (وزن 190 کلو) اور 1000 عدد گٹکا برآمد۔ ایک بین الصوبائی مین پوڑی خام مال سپلائر گرفتار۔ گاڑی پولیس تحویل میں لے لی گئی ◼️ایس ایچ او تھانہ بی سیکشن ٹنڈو محمد خان نے کارروائی کرتے ہوئے ایک مین پوڑی فروش ملزم کو گرفتار کرلیا جس کے قبضہ سے 2000 عدد مضر صحت مین پوڑیاں برآمد کرلی۔

ایس ایس پی ٹنڈو محمد خان عابد علی بلوچ کے احکامات پر ٹنڈو محمد خان پولیس کا جرائم پیشہ افراد، منشیات فروشوں اور مفرور و اشتہاری ملزمان کے خلاف کاروائیاں جاری۔

تھانہ مویا
ایس ایچ او تھانہ مویا کی اپنے اسٹاف کے ہمراہ خفیہ اطلاع پر دوران گشت اپنے تھانہ کی حدود ٹموں جلالاٹی کے قریب بہترین کارروائی۔ دوران گشت ایک مشکوک ٹویوٹا ریوو گاڑی کو روکنے کا اشارہ کیا۔

لیکن رکنے کی بجائے گاڑی میں سوار منشیات سپلائرز ملزمان نے گاڑی کی رفتار کو مزید تیز کرکے بھاگنے کی کوشش کی اور گاڑی تیز رفتاری کی وجہ سے نہر میں جا کر گری، جس پر پولیس نے بہتر حکمت عملی سے گاڑی کا تعاقب کرکے مین پوڑی گٹکا خام مال سپلائر ملزم زنیر الدین صدیقی سکنہ نارتھ ناظم آباد کراچی  کو ٹویوٹا ریوو گاڑی سمیت گرفتار کرلیا۔

جبکہ اس کا دوسرا ساتھی منشیات فروش ملزم اسفند ارشد پٹھان سکنہ کراچی  بھاگنے میں کامیاب ہو گیا۔ جس کی تلاش جاری ہے۔

جب گاڑی کو چیک کیا گیا تو اس کے اندر سے لاکھوں روپے مالیت کا مین پوڑی گٹکا خام مال 19 کٹے بیگز مین پوڑی چورا خام مال (وزن 190 کلوگرام) اور 1000 عدد گٹکا برآمد ہوئے۔

 ملزمان کے خلاف مین پوڑی گٹکا ایکٹ کے تحت تھانہ مویا پر مقدمہ درج کرلیا گیا ہے۔ گرفتار ملزم سے مزید تفتیش جاری۔