انسداد پولیو مہم کے آغاز کے موقع پر سیکیورٹی انتظامات اور امن و امان کے سلسلے میں ایس ایس پی ٹنڈو محمد خان عابد علی گڈانی بلوچ کی زیر صدارت تمام ڈی ایس پی، ایس ایس ایچ اوز اور دیگر فیلڈ افسران کے ساتھ اہم اجلاس منعقد کیا

تفصیلات کے مطابق آج مورخہ 27.10.2024 بروز اتوار ایس ایس پی ٹنڈو محمد خان عابد علی گڈانی بلوچ نے انسداد پولیو مہم کے آغاز کے موقع پر ضلع بھر کے تمام افسران کے ساتھ ایس ایس پی آفیس کانفرنس ہال میں اہم اجلاس منعقد کیا۔

ٹنڈو محمد خان پولیس کی جانب سے سیکورٹی پلان جاری کردیا گیا - انسدادِ پولیو مہم کے دوران 400 سے زائد پولیس افسران و اہلکار اور خواتین پولیس اہلکار اپنی ڈیوٹی سرانجام دیں گے اس کے علاو کسی بھی ایمرجنسی کی صورت میں کوئیک ریسپانس فورس تشکیل دے دی گئی ہے۔

دوران اجلاس ایس ایس پی ٹنڈو محمد خان نے تمام ایس ڈی پی اوز، ایس ایچ اوز اور دیگر پولیس افسران و پولیو ڈیوٹی پر مامور پولیس اسٹاف کو ہدایات جاری کرتے ہوئے کہا کہ انسداد پولیو مہم کے دوران کسی بھی قسم کی غفلت یا لاپرواہی ہرگز برداشت نہیں کی جائے گی۔ تمام پولیس افسران سیکورٹی پلان پر عملدرآمد کو یقینی بنائیں اور پولیو ورکرز/ ٹیموں کے ساتھ تعاون کریں جبکہ سیکورٹی کے انتظامات کی نگرانی میں خود کروں گا۔
 
انسدادِ پولیو مہم 28 اکتوبر 2024 سے 03 نومبر 2024 تک جاری رہی گی اس حوالے سے پولیس کی جانب سے ایک فوکل پرسن مقرر کیا گیا ہے جو انسدادِ پولیو مہم کے دوران ہر وقت موثر رابطے اور ہر مدد فراہم کرنے کے لیے موجود رہے گا۔

ترجمان ٹنڈو محمد خان پولیس