ٹنڈو غلام حیدر پولیس مقابلہ میں زخمی حالت میں گرفتار کرمنل تھانہ بلڑی شاہ کریم کی حدود میں 60 لاکھ روپے ڈکیتی کی واردات میں ملوث نکلا - SSP ٹنڈو محمد خان عابد علی گڈانی بلوچ

رات گئے ایس ایچ او تھانہ ٹنڈو غلام حیدر سب انسپکٹر محمد یعقوب جکھرو کا اپنے  دیگر  پولیس اسٹاف کے ہمراہ اپنے تھانہ کی حدود بدین ٹو حیدرآباد روڈ نظامانی لنک روڈ  کے قریب دوران چیکینگ کرمنلز سے سامنا۔ واردات کے ارادے سے موٹر سائیکل پر گھومنے والے مسلحہ ملزمان سے پولیس کا مقابلہ، دو طرفہ فائرنگ میں ایک ملزم زخمی حالت میں گرفتار کرلیا گیا تھا جبکہ اس کے 2 ساتھی فرار ہونے میں کامیاب ہو گئے۔

دوران تفتیش یہ معلوم ہوا کہ زخمی ملزم محمد علی ولد قلندر بخش پنھیار سکنہ سادات کالونی ضلع خیرپور میرس مورخہ 14.10.2024 کو تھانہ بلڑی شاہ کریم کی حدود میں خان محمد رائس ملز میں 60 لاکھ روپے کی ڈکیتی کی واردات میں ملوث پایا گیا جو پولیس کو مطلوب تھا۔ ملزم کے قبضہ سے ایک عدد رپیٹر، 4 عدد کارتوس، 41 ہزار نقد رقم (جو اس واردات میں چھین لیے گئے تھے) اور واردات میں استعمال ہونے والی موٹر سائیکل برآمد کرلی گئی ہے۔

گرفتار و مفرور ملزمان کے خلاف تھانہ ٹنڈو غلام حیدر پہ پولیس مقابلہ اور غیر قانونی اسلحہ ایکٹ کے تحت مقدمات درج کرلیے گئے ہیں۔ جبکہ ملزم کا مزید کرمنل ریکارڈ بھی متوقع ہے جو مختلف تھانوں اور دیگر اضلاع سے حاصل کیا جا رہا ہے۔

ترجمان ٹنڈو محمد خان پولیس