ضلع ٹنڈو محمد خان میں 05 روزہ انسداد پولیو مہم پولیس کی سخت سکیورٹی میں جاری

ایس ایس پی ٹنڈو محمد خان عابد علی گڈانی کی خصوصی ہدایات پر ضلع ٹنڈو محمد خان پولیس کی جانب سے پولیو مہم کے دوران سکیورٹی کے انتظامات سخت کیے گئے ہیں۔

پولیو ٹیموں کی سکیورٹی کے لیے تمام ایس ڈی پی اوز اور ایس ایچ اوز کے ساتھ 150 سے زائد افسران، جوان اور لیڈیز پولیس سیکورٹی کے فرائض سرانجام دے رہے ہیں۔

اس کے ساتھ تھانوں کی پٹرولنگ موبائلز بھی علاقے میں گشت کر رہی ہیں اور پولیو ورکرز کی سکیورٹی کو یقینی بنا رہی ہیں۔

ٹنڈو محمد خان میں پولیو مہم مورخہ 9 ستمبر سے 13 ستمبر تک جاری رہے گی جس کے دوران 29 ٹرانزٹ پوائنٹس اور 40 فکس پوائنٹ لگائے گئے ہیں.

اس موقع پر ایس ایس پی ٹنڈو محمد خان عابد علی گڈانی بلوچ  نے پولیو مہم کے آغاز پر سیکورٹی انتظامات اور پولیس ڈپلائمینٹ کو جائزہ لیا اور پولیس افسران و جوانوں کو خصوصی ہدایات دیتے ہوئے کہا کہ پولیو مہم کے دوران کوئی بھی لاپرواہی ہرگز برداشت نہیں کی جائے گی.

ایس ایس پی ٹنڈو محمد خان نے ڈیوٹی سرانجام دینے والے پولیس افسران و جوانوں کو ہدایت کی کہ وہ انسداد پولیو مہم ٹیموں کو مکمل تحفظ فراہم کریں تاکہ عملہ اپنی ذمہ داریاں بلاخوف وخطر سرانجام دے سکیں، اس کے ساتھ ریوینیو ڈپارٹمنٹ اور پولیو ضلع انتظامیہ سے رابطے میں رہیں.

ترجمان ٹنڈو محمد خان پولیس