چپ تعزیہ کا جلوس ضلع پولیس ٹنڈو محمد خان کی سخت اور فول پروف سیکیورٹی میں جاری . ایس ایس پی ٹنڈو محمد خان عابد علی گڈانی بلوچ نے چپ تعزیہ مرکزی جلوس کے گزرگاہوں کا دورہ کرتے ہوئے سیکورٹی انتظامات کا جائزہ لیا

ٹنڈو محمد خان: تفصیلات کے مطابق آج بروز بدھ 06 ربیع الاول 1446 ھ 11 ستمبر 2024 کو چپ تعزیہ کا مرکزی جلوس ٹنڈو محمد خان سٹی نصیرآباد نتھو کے پڑ سے برآمد ہوکر مقررہ راستوں سے مرکزی امام بارگاہ کی طرف رواں دواں ہے۔

ایس ایس پی ٹنڈو محمد خان عابد علی گڈانی بلوچ نے چپ تعزیہ کے مرکزی جلوس کا دورا کیا، پولیس  سیکورٹی انتظامات کا جائزہ لیا. مجالس اور جلوسوں کے منتظمین سے ملاقاتیں کی اور پولیس افسران کو ہدایت جاری کی ۔

جلوسوں اور مجالس کی سیکورٹی کے لیے 200 سے زائد پولیس افسران و جوانوں کو تعینات کیا گیا ہے۔ مرکزی جلوس کے روٹس کے درمیان آنیوالی منسلک گلیوں کو خاردار تاروں اور کناتوں سے سیل کیا گیا۔ جبکہ پولیس کو زائرین کی تلاشی کے لیے مقامی رضاکارران کی مدد بھی حاصل ہے۔

جلوسوں کی سیکورٹی انتظامات انتہائی سخت کیے گئے ہیں اور جلوسوں کے روٹس پر CCTV کیمروں کے ذریعے نگرانی کی گئی۔ اس سلسلے میں کمانڈ اینڈ کنٹرول روم بھی قائم کیا گیا ہے جہاں پر جلوسوں و مجالس کو مانیٹر کیا گیا۔

 چپ تعزیہ کا مرکزی جلوس ٹنڈو محمد خان سٹی نتھو کے پڑ سے برآمد ہوا جو مسجد اقصیٰ چوک، مہران چوک، الفتاح چوک، ایس ایس پی آفیس، سٹی برج، مرتضیٰ چوک کے روائتی راستوں سے مرکزی امام بارگاہ کی طرف رواں دواں ہے جو روائتی راستوں سے گزر کر مرکزی امام بار گاہ پر پہنچ کر اختتام پذیر ہو گا۔

ترجمان ٹنڈو محمد خان پولیس