ھندو برادری کے مذہبی تہوار دیوالی کے موقع پر ٹنڈو محمد خان پولیس کی جانب سے ضلع بھر میں حفاظتی انتظام سخت کیے گئے ہیں

دنیا بھر کی طرح ضلع ٹنڈو محمد خان میں بھی ھندو برادری دیوالی کا تہوار روایتی ومذہبی جوش و خروش سے منایا جا رہا ہے۔

ایس ایس پی ٹنڈو محمد خان عابد علی گڈانی بلوچ نے اس موقع پر خصوصی سیکیورٹی پلان جاری کرتے ہوئے ضلع بھر میں دیوالی کے موقع پر تھانہ جات سطح پر غیر معمولی سیکیورٹی اقدامات کرنے کی ہدایات جاری کردی ہیں۔

دیوالی کے تہوار کے موقع پر ضلع ٹنڈو محمد خان میں اقلیتی برادری کی تمام عبادت گاہوں، مندروں اور دیوالی کی جاری تقریبات کے مقامات پر پولیس کی خصوصی نفری تعینات کی جا رہی ہے۔

تمام ایس ایچ اوز کو اقلیتی برادری کے ساتھ مکمل تعاون اور مناسب سیکیورٹی مہیا کرنے کا حکم جاری کردیا گیا ہے۔

تمام ایس ایچ اوز کو اقلیتی برادری کی عبادت گاہوں اور ان کے رہائشی علاقوں کے اطراف میں اضافی پولیس گشت، اسنیپ چیکنگ جاری رکھنے کا حکم دیا گیا ہے۔ 

ایس ڈی پی اوز / ایس ایچ اوز کو سیکیورٹی اقدامات کی بذاتِ خود نگرانی کرنے کا پابند کیا گیا ہے۔ 

ترجمان ٹنڈو محمد خان پولیس