ایس ایس پی عمرکوٹ نے مختلف چیک پوسٹس کا اچانک معائنہ کیا تاکہ اہلکاروں کی الرٹنیس اور کارکردگی کا جائزہ لیا جا سکے۔

پریس ریلیز

دفتر ایس ایس پی عمرکوٹ

تاریخ: 30 اکتوبر 2025

ایس ایس پی عمرکوٹ عزیر احمد (PSP) کی ہدایات پر ضلع بھر میں پولیس کی چیک پوسٹس پر سیکیورٹی انتظامات مزید مؤثر بنائے جا رہے ہیں۔ اسی سلسلے میں ایس ایس پی عمرکوٹ نے مختلف چیک پوسٹس کا اچانک معائنہ کیا تاکہ اہلکاروں کی الرٹنیس اور کارکردگی کا جائزہ لیا جا سکے۔

حالیہ معائنے کے دوران چیک پوسٹ نوہٹو موڑ (زیرِ نگرانی تھانہ ٹالهي) پر تعینات پی سی وردو مل اور پی سی ہوتهی مل اپنی ڈیوٹی کے دوران نہایت چاق و چوبند اور ذمہ داری سے فرائض انجام دیتے پائے گئے۔ دونوں اہلکار ہر آنے جانے والی گاڑی کو مؤثر انداز میں چیک کر رہے تھے۔

ایس ایس پی عمرکوٹ نے دونوں اہلکاروں کی شاندار کارکردگی کو سراہتے ہوئے

پی سی وردو مل کو CC-III سرٹیفیکیٹ اور 5000 روپے نقد انعام

اور

پی سی ہوتهی مل کو بھی CC-III سرٹیفیکیٹ اور 5000 روپے نقد انعام

عطا کیا تاکہ ان کی حوصلہ افزائی ہو اور دیگر پولیس اہلکار بھی اسی جذبے اور دیانت داری سے اپنی ڈیوٹی انجام دیں۔

ایس ایس پی عمرکوٹ نے اس موقع پر کہا کہ پولیس فورس کی کامیابی کا دار و مدار اسی پیشہ ورانہ فرض شناسی اور عوامی خدمت کے جذبے پر ہے۔

⸻

ترجمان

ضلع پولیس عمرکوٹ

میڈیا سیل