بدین پولیس نے سفینا اور سپاری چورہ سپلائی کی کوشش ناکام بنادی۔

ڈسٹرکٹ پولیس بدین 
18 اکتوبر 2024

بدین پولیس نے سفینا اور سپاری چورہ سپلائی کی کوشش ناکام بنادی۔

ایک کروڑ روپے مالیت کا سپاری چورہ (113 من) 45100 سفینا ساشے برآمد, 3 ملزمان گرفتار، مقدمات درج

بدین :() ایس ایس پی بدین شیراز نظیر کی ہدایات پر منشیات فروشوں کے خلاف کاروائیاں جاری 

تفصیلات کے مطابق ڈی ایس پی ماتلی اعجاز حسین بہن کی سربراہی میں ایس ایچ او تھانہ ماتلی سب انسپکٹر فیض علی شاھ نے اسٹاف کے ہمراہ حیدر آباد مین روڈ پر بارن پولیس چیک پوسٹ پر ریتی سے بھرے  ڈمپر میں خفیہ خانوں میں چھپے سپاری چورہ کے  113 من (450)کٹے برآمد کرلیے ہیں جن کی مالیت لگ بھگ ایک کروڑ روپے ہے۔ پولیس نے کاروائی کے دوران ڈمپر ڈرائیور مردان کے رہائشی نامی عیسیٰ پٹھان کو گرفتار کرلیا ہے ملزم نے پولیس کو بتایا ہے کہ سپاری چورہ کراچی سے لوڈ کیا تھا جو گولاڑچی میں سپلائی کرنے جا رہا تھا۔ پولیس نے ملزم کے خلاف تھانہ ماتلی پہ مقدمہ درج کرکہ تفتیش کا آغاز کردیا ہے۔

ڈی ایس پی بدین شہزاد علی سومرو کی سربراہی میں ایس ایچ او تھانہ بدین انسپکٹر محمد انور لغاری نے خفیہ اطلاع پر اسٹاف کے ہمراہ ویگو ڈاٹسن KV-1686 سے 44000 سفینا ساشے برآمد کر لیے، پولیس نے کاروائی کے دوران ملزم اللہ بچایو شاھ کو گرفتار کرلیا جبکہ دو ملزمان خالد اور ایاز علی بھرگڑی موقع سے فرار ہو گئے۔ ملزمان کے خلاف تھانہ بدین پہ گٹکا ایکٹ کے تحت مقدمہ درج کرلیا گیا ہے 

دوسری جانب ایس ایچ او تھانہ کھورواہ سب انسپکٹر شفقت زمان تنولی نے اسٹاف کے ہمراہ دوران گشت کاروائی کرکہ سفینا سپلائر ملزم محمد رفیق مری کو گرفتار کرلیا ہے ملزم کے قبضے سے 1100 سفینا ساشے برآمد کر لیے گئے ہیں پولیس نے ملزم کے خلاف تھانہ کھورواہ پہ گٹکا ایکٹ کے تحت مقدمہ درج کرلیا۔

 

ڈسٹرکٹ پولیس بدین