مورخہ 02 نومبر 2024 ڈپٹی انسپکٹر جنرل آف ٹریفک پولیس کراچی احمد نواز کا گزشتہ روز فائرنگ سے زخمی ہونے والے کانسٹیبل بابر برکت کے لیے آغا خان ہسپتال کا دورہ.

 

گزشتہ رات گلبہار فردوس کالونی میں دو ڈکیتوں کی لوٹ مار کرتے ہوئے دیکھ کر کانسٹیبل بابر برکت نے بہادری کا مظاہرہ کرتے ہوئے مقابلہ کیا۔

دوران مقابلہ ڈکیتوں کی فائرنگ سے کانسٹیبل بابر زخمی ہوۓ جبکہ کانسٹیبل کی فائرنگ سے دونوں ڈاکو ہلاک ہوگئے

ڈی آئی جی ٹریفک کراچی نے کہا ہے کہ ملزمان کی فائرنگ سے زخمی ہونے والے اہلکار ہمارا قیمتی سرمایہ ہے جن کی بہترین ویلفیئر، علاج معالجے اور جلد صحت یابی کیلئے تمام دستیاب وسائل کو بروئے کار لایا جارہا ہے۔

ڈی آئی جی ٹریفک کراچی نے زخمی کانسٹیبل بابر برکت کی عیادت کی،جلد صحت یابی کی دعا اور نیک خواہشات کا اظہار کیا۔

ڈی آئی جی ٹریفک کراچی نے کہا ہے کہ ایڈیشنل آئی جی کراچی جاوید عالم اوڈهو کی جانب سے زخمی کانسٹیبل بابر برکت کو بہادری کا مظاہرہ کرنے پر سی سی فرسٹ اور ایک لاکھ روپے نقد انعام کا اعلان کیا۔

ڈی آئی جی ٹریفک نے طبی ماہرین سے کانسٹیبل بابر برکت کے علاج معالجے کی تفصیلات معلوم کیں اور زخمی اہلکار کو علاج معالجے کی بہترین سہولیات فراہم کرنے کی ہدایت کی۔

ترجمان کراچی ٹریفک پولیس۔